Bimbisara: నందమూరి కళ్యాణ్ రామ్.. హీరోగానే కాకుండా తాత ఎన్టీఆర్ పేరు మీద ఎన్టీఆర్ ఆర్ట్స్ బ్యానర్ స్థాపించి పలు హిట్ సినిమాలు నిర్మించి అభిరుచి గల నిర్మాతగా పేరు తెచ్చుకున్నాడు. అదే బ్యానర్ మీద ఇప్పుడు తన బావమరిది కె.హరికృష్ణను నిర్మాతగా పరిచయం చేస్తూ ‘బింబిసార’ అనే క్రేజీ, ప్రెస్టీజియస్ ఫిలిం చేస్తున్నాడు.
ఇప్పటివరకు రిలీజ్ చేసిన ప్రోమోస్ ఆకట్టుకున్నాయి. ట్రైలర్ సినిమాల మీద అంచనాలు పెంచేసింది. హిస్టారికల్ బ్యాక్ డ్రాప్‌లో, రెండు డిఫరెంట్ క్యారెక్టర్లలో కనిపిస్తున్న కళ్యాణ్ రామ్ ఈసారి సాలిడ్ హిట్ కొట్టబోతున్నాడనే పాజిటివ్ వైబ్స్ వచ్చాయి. ఇటీవల ‘ఈశ్వరుడే’ సాంగ్ చాలా బాగా ఆకట్టుకుంది.
ఇప్పుడు ‘Folk Melody of the Season’ అంటూ ‘ఓ తేనె పలుకుల అమ్మాయి, నీ తీగ నడుములో సన్నాయి.. లాగిందే..’ అనే బ్యూటిఫుల్ సాంగ్ రిలీజ్ చేశారు. వరికుప్పల యాదగిరి ట్యూన్ కంపోజ్ చేసి, లిరిక్స్ రాశారు. హిమత్ మొహ్మద్, సత్య యామిని అందంగా పాడారు.
కేథరిన్, సంయుక్త మీనన్ కథానాయికలు.. వారీనా హుస్సేన్, వెన్నెల కిషోర్, శ్రీనివాస రెడ్డి, బ్రహ్మాజీ కీలకపాత్రల్లో నటిస్తున్నారు. సాంగ్ విజువల్స్, హీరో హీరోయిన్ల కెమిస్ట్రీ అలరించేలా ఉన్నాయి. జూలై 23 సాయంత్రం వీడియో సాంగ్ రిలీజ్ చెయ్యబోతున్నారు. ఆగస్టు 5న ‘బింబిసార’ వరల్డ్ వైడ్ భారీ స్థాయిలో విడుదల కానుంది.
Leave a comment