Prabhas – Chiranjeevi: మారుతి.. ‘ఈ రోజుల్లో’ అనే చిన్న సినిమాతో దర్శకుడిగా కెరీర్ స్టార్ట్ చేసి.. వరుస విజయాలతో టాలీవుడ్‌లో తనకంటూ ఓ ప్రత్యేకమైన గుర్తింపు తెచ్చుకున్నారు. ప్రతి సినిమాలోనూ ఎంటర్‌టైన్‌మెంట్‌తో పాటు మెసేజ్‌ని కూడా తన స్టైల్లో చెప్పి ప్రేక్షకులను మెప్పిస్తున్నారు.
గోపిచంద్‌తో చేసిన ‘పక్కా కమర్షియల్’ జూలై 1న రిలీజ్ కాబోతుంది. ఈ సందర్భంగా మీడియాకిస్తున్న ఇంటర్వూల్లో ‘పక్కా కమర్షియల్’ తో పాటు తన తర్వాతి సినిమాల గురించి కూడా చెప్పుకొచ్చారు మారుతి. రెబల్ స్టార్ ప్రభాస్‌తో సినిమా చెయ్యబోతున్నారని, లేదు.. ఆ సినిమా ఆగిపోయిందని వార్తలు వస్తున్న నేపథ్యంలో ప్రభాస్‌తో మూవీ కచ్చితంగా ఉంటుందని చెప్పారు.
‘పక్కా కమర్షియల్’ ప్రీ రిలీజ్ ఈవెంట్‌కి మెగాస్టార్ చిరంజీవి ముఖ్య అతిథిగా విచ్చేశారు. మారుతితో తనకున్న పరిచయం గురించి చెప్తూ.. పూర్తి కథ రెడీ చేసుకో సినిమా చేద్దామని చెప్పారు. స్వయంగా చిరు వేదిక మీద ఆ మాట అనేసరికి మారుతి ఆనందానికి అవధుల్లేకుండా పోయాయి. చిరు, ప్రభాస్ ఇద్దరితో చెయ్యబోయే సినిమాలు ఫ్యాన్స్‌తో పాటు ఆడియన్స్‌ని మెప్పించేలా సరికొత్తగా తెరకెక్కిస్తానని చెప్పుకొచ్చారు మారుతి.
Leave a comment