Gargi Trailer: వెర్సటైల్ యాక్టర్ సూర్య, మోస్ట్ బ్యూటిఫుల్ అండ్ టాలెంటెడ్ యాక్ట్రెస్ సాయి పల్లవి కలిసి ఓ సినిమా కోసం వర్క్ చేస్తున్నారంటే… ఆ ప్రాజెక్ట్ మీద మామూలు హైప్ ఉండదు. ఏ భాషలోనైనా తన క్యారెక్టర్‌తో పాటు డ్యాన్స్‌లోనూ అదరగొట్టేస్తుంది సాయి పల్లవి. ‘విరాట పర్వం’ లో ఆమె పర్ఫార్మెన్స్‌కి ఎలాంటి పేరు వచ్చిందో తెలిసిందే.
సూర్య, జ్యోతిక నిర్మాణంలో భాగస్వామ్యం వహిస్తుండగా.. గౌతమ్ రామచంద్రన్ దర్శకత్వంలో, డిఫరెంట్ జానర్‌లో తెరకెక్కుతున్న చిత్రం ‘గార్గి’ (Gargi).. తెలుగులో రానా దగ్గుబాటి సమర్పిస్తున్నారు. తమిళ్, తెలుగు, కన్నడతో పాటు సాయి పల్లవి మాతృభాష మలయాళంలోనూ విడుదల చెయ్యబోతున్నారు.
రీసెంట్‌గా ట్రైలర్ రిలీజ్ చేశారు. తండ్రీ కూతుళ్ల అనుబంధం ఆధారంగా తెరకెక్కించిన ‘గార్గి’ ట్రైలర్ చాలా ఎమోషనల్‌గా అనిపించింది. అనుకోని పరిస్థితుల్లో తండ్రి అరెస్ట్ కావడం.. ఆయన గురించి కూతురు న్యాయ పోరాటం చెయ్యడం సినిమా థీమ్ అని చూపించారు.
సాయి పల్లవి ఎప్పటిలానే ది బెస్ట్ ఇచ్చింది. ‘గార్గి’ అనే స్కూల్ టీచర్ క్యారెక్టర్‌లో కనిపించింది. ఎమోషనల్ సీన్స్‌లో తన పర్ఫార్మెన్స్ సింప్లీ సూపర్బ్.. జయ ప్రకాష్, ఐశ్యర్య లక్ష్మీ కీలకపాత్రల్లో నటించారు. విజువల్స్, బ్యాగ్రౌండ్ స్కోర్ బాగున్నాయి. జూలై 15న ‘గార్గి’ గ్రాండ్‌గా రిలీజ్ అవబోతుంది.
Leave a comment