Ram Charan-NTR: టాలీవుడ్ స్టార్ హీరోలు రామ్ చరణ్, ఎన్టీఆర్ మధ్య మంచి స్నేహం ఉన్న విష‌యం తెలిసిందే. వీరిద్ద‌రు క‌లిసి ఇటీవ‌ల ఆర్ఆర్ఆర్ అనే చిత్రంలో న‌టించ‌గా, ఈ చిత్రం మంచి విజ‌యం సాధించింది. అయితే ఈ మూవీ ప్ర‌మోష‌న్ సమయంలో వారిద్ద‌రు త‌మ ఫ్రెండ్షిప్ గురించి తెలియ‌జేశారు. ఎన్టీఆర్ మాట్లాడుతూ.. ఆర్ఆర్ఆర్ క‌న్నా ముందే మా ఇద్ద‌రి మధ్య స్నేహం ఉంది. మేము క‌లిసి స‌ర‌దాగా బ‌య‌ట‌కు వెళ్లిపోతాం. మేము ఇద్ద‌రం భిన్న ధృవాల్లాంటి వ్య‌క్తులం కావ‌డం వలన మా మధ్య స్నేహం ఏర్ప‌డింది. భిన్న ధ్రువాలు ఆక‌ర్షింపబ‌డ‌తాయ‌నే సూత్రం ఆధారంగానే మా మధ్య ఫ్రెండ్షిప్ వ‌ర్క్ అయిందని భావిస్తాను. టాలీవుడ్ సెల‌బ్రిటీ క్రికెట్ లీగ్ సమయంలో మంచి స్నేహం మా ఇద్ద‌రి మధ్య ఏర్ప‌డింది అని అన్నారు ఎన్టీఆర్.
అయితే త‌న ఫ్రెండ్ అయిన రామ్ చరణ్ 11 ఏళ్ల త‌ర్వాత పండంటి బిడ్డ‌కు జ‌న్మ‌నివ్వ‌గా, ఆ సమయంలో ఎన్టీఆర్ త‌న సోష‌ల్ మీడియా ద్వారా శుభాకాంక్ష‌లు తెలియ‌జేశారు. అయితే రామ్ చరణ్ కి బిడ్డ పుట్టాక ఇప్పటి వరకు ఆమెను చూడటానికి జూనియర్ ఎన్టీఆర్ వెళ్లలేదట. వీరిద్దరూ అంత బెస్ట్ ఫ్రెండ్స్ కదా.. మరీ రామ్ చరణ్ కూతురును చూడటానికి వెళ్ల‌క‌పోవ‌డం ఏంట‌నే ప్రశ్న మొదలైంది. అయితే అందుకు కార‌ణంగా నంద‌మూరి అభిమానులు ప‌లు విష‌యాలు చెప్పుకొస్తున్నారు. ప్ర‌స్తుతం ఇది వ‌ర్షాకాల సీజన్ కాగా, ఈ సీజన్ లో చిన్నపిల్లలకు త్వరగా ఇన్ఫెక్షన్స్ వస్తుంటాయి.
తారక్ గ‌త కొద్ది రోజులుగా దేవ‌ర అనే సినిమా షూటింగ్ తో బిజీగా ఉన్నారు. షూటింగ్ సమయంలో ఆయ‌న చాలా మందిని కలుస్తుంటారు. ఈ క్ర‌మంలో త‌న నుండి పాప‌కి ఇన్‌ఫెక్ష‌న్ సోకుతుంద‌నే భ‌యంతో ఎన్టీఆర్ ఇప్పటి వరకు రామ్ చరణ్ కూతురిని చూడ‌లేద‌ట. మ‌రోవైపు రామ్ చరణ్, ఉపాస‌న‌లు కూడా బయటి వారిని ఇంట్లోకి రానివ్వడం లేదని టాక్ న‌డుస్తుంది. అయితే రామ్ చరణ్ కూతురి విష‌యంలో ఎన్టీఆర్ ఆలోచించిన విధానం ప‌ట్ల ఫ్యాన్స్ ఆనందం వ్య‌క్తం చేస్తున్నారు.
