Chiranjeevi: మెగాస్టార్ చిరంజీవి సెకండ్ ఇన్నింగ్స్ స్టార్ట్ చేశాక జెట్ స్పీడ్‌తో సినిమాలు చేస్తున్నారు. ‘సైరా’ తర్వాత పాండమిక్ గ్యాప్ వచ్చింది. ‘ఆచార్య’తో ఆడియన్స్ ముందుకొచ్చిన చిరుకి చేదు అనుభవాన్ని మిగిల్చిందా చిత్రం.

ప్రస్తుతం ‘లూసిఫర్’ రీమేక్ ‘గాడ్ ఫాదర్’, ‘వేదాళం’ రీమేక్ ‘భోళా శంకర్’, బాబీ డైరెక్షన్లో ‘వాల్తేరు వీరయ్య’ చేస్తున్నారు. 154వ సినిమా వరకు లాక్ చేసేశారు. ఒక దాని తర్వాత ఒకటి షూటింగ్ కంప్లీట్ చేసే పనిలో ఉన్నారు.

ఈలోగా ఆమిర్ ఖాన్, నాగ చైతన్యల ‘లాల్ సింగ్ చడ్డా’ తెలుగు వెర్షన్‌కి సమర్పకులుగా వ్యవహరిస్తున్నారు. సినిమా ప్రమోషన్స్‌లోనూ యాక్టివ్‌గా పార్టిసిపెట్ చేస్తున్నారు. చిరు రీసెంట్ ఫోటో షూట్‌కి సంబంధించిన పిక్స్ నెట్టింట వైరల్ అవుతున్నాయి. అల్ట్రా స్టైలిష్ లుక్‌లో బాస్ భలే ఉన్నాడంటూ మెగాఫ్యాన్స్, నెటిజన్లు కామెంట్స్ చేస్తున్నారు.