SIR First Look : ధనుష్ ‘సార్’ వచ్చేశారు..

SIR First Look: కోలీవుడ్ యంగ్ స్టార్, హిందీ, ఇంగ్లీష్ భాషల్లోనూ నటించిన టాలెంటెడ్ యాక్టర్ ధనుష్.. ‘సార్’ (SIR) మూవీతో టాలీవుడ్ ఎంట్రీ ఇస్తున్న సంగతి తెలిసిందే. యువ దర్శకుడు వెంకీ అట్లూరి డైరెక్షన్లో.. సితార ఎంటర్‌టైన్‌మెంట్స్, శ్రీకర స్టూడియోస్, ఫార్చ్యూన్ సినిమాస్ సంస్థలు నిర్మిస్తున్నాయి. తమిళ్‌లో ‘వాతి’ (Vaathi) పేరుతో తెరకెక్కిస్తున్నారు.

జూలై 28 ధనుష్ పుట్టినరోజు.. ఈ సందర్భంగా ఒకరోజు ముందుగా ‘సార్’ ఫిలిం నుండి ధనుష్ ఫస్ట్ లుక్ రిలీజ్ చేశారు టీం. లైబ్రరీలో కూర్చుని సీరియస్‌గా రాసుకుంటున్న ధనుష్ లుక్ ఆకట్టుకుంటోంది. ‘సార్’ గా కూల్ అండ్ సింపుల్‌గా ఉన్న ధనుష్ లుక్‌కి తెలుగు, తమిళ్ ఆడియన్స్ నుండి, ఫ్యాన్స్ నుండి మంచి రెస్పాన్స్ వస్తోంది.

రేపు (జూలై 28) సాయంత్రం 6 గంటలకు ‘సార్’ టీజర్ రిలీజ్ చెయ్యనున్నారు. ప్రస్తుతం శరవేగంగా షూటింగ్ జరుపుకుంటున్న ‘సార్’ చిత్రానికి సంగీతం : జి.వి.ప్రకాష్ కుమార్, కెమెరా : యువరాజ్, ఎడిటింగ్ : నవీన్ నూలి, నిర్మాతలు : నాగ వంశీ – సాయి సౌజన్య.