Shabaash Mithu: సినిమా ఇండస్ట్రీలో బయోపిక్స్‌కి ఎప్పుడూ మంచి ఆదరణ ఉంటుంది. బాలీవుడ్‌లో ఇప్పటికే స్పోర్ట్స్, పాలిటిక్స్, ఫిలిం స్టార్స్‌కి సంబంధించి బయోపిక్స్ వచ్చాయి. వాటిలో చాలా వరకు ప్రేక్షకాదరణ పొందాయి. ఇప్పుడు మరో ఇంట్రెస్టింగ్ బయోపిక్‌ను ఆడియన్స్ ముందుకు తీసుకు రాబోతుంది బాలీవుడ్.
ఉమెన్ క్రికెటర్‌గా, టీమ్ ఇండియా కెప్టెన్‌గా ఎన్నో సంచలనాలు సృష్టించిన మిథాలీ రాజ్ జీవితం ఆధారంగా.. తాప్సీ పన్ను మెయిన్ లీడ్‌గా నటిస్తున్న మూవీ ‘శభాష్ మిథు’.. శ్రీజిత్ ముఖర్జీ డైరెక్ట్ చేస్తున్నారు. సోమవారం ఈ సినిమా ట్రైలర్ రిలీజ్ చేశారు.
మిథాలీ క్యారెక్టర్‌లో తాప్సీ ఒదిగిపోయింది. చిన్నతనం నుండి క్రికెటర్ కావాలని కలలు కనడం.. ట్రైనింగ్ తీసుకుని అకాడమీలోకి, ఆ తర్వాత ఆటలోకి అడుగుపెట్టాక జరిగిన సంఘటనలు, అవమానాలు.. వాటన్నిటినీ ఎదుర్కొని దేశ వ్యాప్తంగా మహిళా క్రికెట్‌కి గుర్తింపు తీసుకురావడం అనేది ఎలా జరిగిందో కళ్లకు కట్టినట్టు చూపించారు.
తాప్సీతో సహా లీడ్ క్యారెక్టర్స్ అన్నీ ఆకట్టుకుంటాయి. విజువల్స్, బ్యాగ్రౌండ్ స్కోర్ హైలెట్‌గా నిలిచాయి. వయాకామ్ 18 స్టూడియోస్, కొలోస్సియం మీడియా సంస్థలు సంయుక్తంగా నిర్మిస్తున్నాయి. జూలై 15న ‘శభాష్ మిథు’ గ్రాండ్‌గా రిలీజ్ కానుంది.
Leave a comment