Chor Bazaar: డాషింగ్ డైరెక్టర్ పూరి జగన్నాథ్ తనయుడు ఆకాష్ పూరి బాల నటుడిగా మంచి పేరు తెచ్చుకున్నాడు. ‘ఆంధ్రా పోరి’ సినిమాతో హీరోగా ఇంట్రడ్యూస్ అయ్యాడు. తర్వాత పూరి ‘మెహబూబా’ చేసాడు. మూడో సినిమా ‘రొమాంటిక్’ మంచి టాక్ తెచ్చుకోవడంతో పాటు ఆకాష్‌కి కూడా మంచి పేరొచ్చింది.

ఇప్పుడు ‘చోర్ బజార్’ అనే మూవీ చేస్తున్నాడు. బి.జీవన్ రెడ్డి డైరెక్టర్. జెహ్నా సిప్పీ కథానాయికగా పరిచయమవుతుంది. ఈ సినిమా ట్రైలర్ నటసింహా నందమూరి బాలకృష్ణ రిలీజ్ చేశారు. గోపిచంద్ మలినేని దర్శకత్వంలో బాలయ్య నటిస్తున్న మూవీ షూటింగ్ లొకేషన్‌లో ‘చోర్ బజార్’ ట్రైలర్ లాంఛ్ చేశారు.

ట్రైలర్ ఆసక్తికరంగా ఉందని, సినిమా మంచి విజయం సాధించి, హీరోగా ఆకాష్‌కి మంచి పేరుతో పాటు నిర్మాతకు లాభాలు తెచ్చిపెట్టాలని బాలయ్య అన్నారు. ట్రైలర్ విషయానికొస్తే.. ఆకాష్ పర్ఫార్మెన్స్ ఆకట్టుకుంటుంది. డైలాగ్ డెలివరీ, డ్యాన్స్ అండ్ ఫైట్స్ చాలా బాగా చేసాడు. హీరోయిన్ క్యారెక్టర్ మాట్లాడకపోవడం ఇంట్రెస్టింగ్‌గా అనిపించింది. త్వరలో ‘చోర్ బజార్’ ప్రేక్షకుల ముందుకు రానుంది.