Sumanth: యంగ్ వెర్సటైల్ యాక్టర్‌ దుల్కర్ సల్మాన్.. ‘మహానటి’ తర్వాత స్ట్రైట్ తెలుగు సినిమా చేస్తున్నారు. ‘అందాల రాక్షసి, ‘కృష్ణగాడి వీర ప్రేమగాథ’, ‘పడిపడిలేచే మనసు’ వంటి విభిన్నమైన ప్రేమకథా చిత్రాలతో ప్రేక్షకులను ఆకట్టుకున్న హను రాఘపూడి దర్శకత్వంలో.. వైజయంతి మూవీస్ సమర్పణలో, స్వప్న సినిమా బ్యానర్ మీద అశ్వనీదత్ నిర్మిస్తున్న బ్యూటిఫుల్ ఫిల్మ్ ‘సీతా రామం’ (యుద్ధంతో రాసిన ప్రేమకథ)..
మృణాల్ ఠాకూర్ కథానాయిక. ప్రేమకీ యుద్ధానికీ ముడిపెడుతూ అపురూప దృశ్యకావ్యంగా తెరెకెక్కిస్తున్న ఈ సినిమాలో సుమంత్, రష్మిక మందన్న కీలకపాత్రల్లో కనిపించబోతున్నారు. ఇప్పటివరకు రిలీజ్ చేసిన ప్రోమోస్, సాంగ్స్ మంచి అనుభూతి కలిగించడమే కాక సినిమా మీద అంచనాలు పెంచాయి.
శనివారం సుమంత్ క్యారెక్టర్ లుక్ రిలీజ్ చేశారు. సుమంత్ బ్రిగేడియర్ జనరల్ విష్ణు శర్మ పాత్రలో కనిపించబోతున్నట్లు రివీల్ చేశారు. సరికొత్త గెటప్‌లో సుమంత్ లుక్ ఆకట్టుకుంటుంది. ఆగస్టు 5న తెలుగు, తమిళ్, మలయాళం భాషల్లో ‘సీతా రామం’ విడుదలవుతోంది.
Leave a comment