టాలీవుడ్ సీనియర్ హీరోల్లో నందమూరి బాలకృష్ణ సూపర్ ఫామ్ లో దూసుకుపోతున్నాడు.. గత రెండు సంవత్సరాలుగా బాలయ్య వరుస బ్లాక్ బాస్టర్ విజయాలతో టాలీవుడ్ బాక్సాఫీస్ పై దండయాత్ర చేస్తున్నాడు. అదేవిధంగా బుల్లితెరపై అన్ స్టాపబుల్ టాక్ షో తో ఎవరు ఊహించని విధంగా వీరంగం సృష్టిస్తున్నారు. ఈ రెండు సంవత్సరాల్లో బాలయ్య వెండితెరపై ఏకంగా అఖండ, వీర సింహారెడ్డి, భగవంత్ కేస‌రి సినిమాలతో హ్యాట్రిక్ విజయాలను అందుకున్నాడు.
బాలకృష్ణ తన కెరీర్లో దాదాపు మూడు దశాబ్దాల తర్వాత ఇలా వరుసగా హ్యాట్రిక్ విజయాలు దక్కాయి. ఈ మూడు సినిమాలు కూడా బాక్స్ ఆఫీస్ వద్ద రూ.100 కోట్ల కలక్షన్లు అందుకుని కమర్షియల్ గా కూడా బాలయ్య స్టామినా ఏంటో చూపించాయి. ఈ సంవత్సరం ఏకంగా సంక్రాంతికి వీర‌సింహారెడ్డి దసరాకు భగవంత్‌కేస‌రి సినిమాతో రెండు వరుస హిట్లను తన ఖాతాలో వేసుకున్నాడు. అయితే ఇప్పుడు చిత్ర పరిశ్రమలో బాలయ్య మార్కెట్ బాగా పెరిగింది.
అంతేకాకుండా ప్రస్తుతం టాలీవుడ్ లో ఉన్న స్టార్ హీరోలు కమర్షియల్ దర్శకులకు అందుబాటులో లేకపోవడంతో వాళ్ళందరికీ ఇప్పుడు బాలయ్య దిక్కయ్యారు. బోయపాటి శ్రీను, బాబి, గోపీచంద్ మలినేని, అనిల్ రావిపూడి, హరీష్ శంకర్, పూరి జగన్నాథ్, సంపత్ నంది, క్రిష్ ఇలా కమర్షియల్ దర్శకులు అందరూ కథలు పట్టుకొని స్టార్ హీరోలు, మీడియం రేంజ్ హీరోల చుట్టూ తిరుగుతున్నారు. ఆ హీరోలు ఎవరు కూడా ఈ డైరెక్టర్లతో సినిమాలు చేసేందుకు ఆసక్తి చూపించడం లేదు.
ఇక పైన చెప్పిన ఆ 8 మంది డైరెక్టర్లలో ఒక్కరిద్దరూ తప్ప మిగిలిన వారికి సరైన హీరోలు లేరు.. దీంతో వాళ్లంతా బాలయ్య కోసం కథలు రెడీ చేసే పనిలో ఉన్నారు. అయితే ఇప్పటికే కథలు సిద్ధం చేసుకున్న వారంటే బాలయ్య చుట్టూ తిరుగుతూ ఒప్పించే పనిలో పడ్డారు.. పైన చెప్పకున్నా ఏ దర్శకులకు స్టార్ హీరోలు అందుబాటులో ఉండడం లేదు.. వీరితో జూనియర్ ఎన్టీఆర్, అల్లు అర్జున్, రామ్ చరణ్ లాంటి హీరోలు సినిమా చేసే పరిస్థితి ఇప్పుడు లేదు.
దీంతో వారంతా బాలయ్య చుట్టూ చెక్కరలు కొడుతున్నారు. భారీ బడ్జెట్ తో బాలయ్యతో సినిమా చేసిన అది వర్కౌట్ అవుతుంది. అందుకే ఇప్పుడు ఈ అగ్ర దర్శకులు అందరికీ బాలయ్య దిక్కయ్యారు. అదేవిధంగా బాలయ్య తీసుకునే రెమ్యూనరేషన్ కూడా కేవలం రూ.25 నుంచి 30 కోట్ల రేంజ్ లో ఎంతో నార్మల్ గా ఉంటుంది. అందుకే ఇప్పుడు బాలయ్యతో సినిమా చేసి కచ్చితంగా హిట్ కొట్టాలని దర్శకులు అందరూ ట్రై చేస్తున్నారు.
