తనపై కూడా లైంగిక వేధింపులు జరిగాయని చెప్పిన కుష్బూ!

కుష్బూ మహారాష్ట్రకి చెందిన యువతి. సినీ తెరమీద ఒక వెలుగు వెలిగారు. ఒకప్పుడు ఆమెకి ఎంతో మంది ఫాన్స్. స్టార్ డం ని బాగా ఎంజాయ్ చేసిన ఆమె ప్రస్తుతం రాజకీయాల్లో కూడా రాణిస్తున్నారు. ఐతే, ఆ స్థాయికి చేరుకున్న కుష్బూ మొదటి సారి తెలుగు సినిమాలోనే కనిపించింది. తెలుగులో సక్సెస్ చూసిన తర్వాతనే ఆమెకు ఇతర భాషల్లోనూ అవకాశాలు వచ్చాయి. ముఖ్యంగా తమిళ్ లో ఆమెకి ఎక్కువ పాపులారిటీ లభించింది.

విషయం ఏమిటంటే, ఆమెకి కూడా ఒకప్పుడు లైంగిక వేధింపులు తప్పలేదట. మొదట్లో వెంకటేష్ తో కలిసి చేసిన కలియుగ పాండవులు సినిమాలో.. ఒక సంధర్భంలో ఒక వ్యక్తి తనకి అసభ్యంగా వెనకవైపు తాకినట్టు.. దాంతో కోపం తెచ్చుకున్న ఆమె అతని చెంప పగలగొట్టినట్టు చెప్పింది. ఇదంతా నిర్మాత సురేష్ బాబు గారి ముందే జరిగిందని ఆమె చెప్పింది.

అలాగే ఆమె ఎదుర్కొన్న మరో పెద్ద విషయాన్ని కూడా బయట పెట్టింది. తనతో గడపమని ఒక స్టార్ అడిగినట్టు బాంబు పేల్చింది. అలా అడిగినందుకు.. నీ కూతుర్ని నా తమ్ముడి గదికి పంపించు.. అప్పుడు నేను నీ దగ్గరికి వస్తానని బదులివ్వడంతో ఆ స్టార్ హీరో సైలెంట్ ఐపోయాడట. ఇదంతా ఆమె ఒక ఇంటర్వ్యూలో తన పాత రోజుల్ని గుర్తుచేసుకోవడం విశేషం.