Pawan Kalyan: గ‌త కొద్ది రోజులుగా ఎక్క‌డ చూసిన ఏ నోట విన్నా కూడా రామ్ చరణ్ కూతురు పేరు గురించే. జూన్ 20న ఉపాస‌న పండంటి కూతురికి జన్మనివ్వడంతో మెగ్రా ప్రిన్సెస్ అనే హ్యాష్ ట్యాగ్ తెగ ట్రెండ్ అయింది. ఛానెల్స్ అన్నీ కూడా ఈ విష‌యం గురించే ప్ర‌సారం చేయ‌డం, యూట్యూబ్‌ల‌లో అయితే చిన్నారికి సంబంధించి అనేక విష‌యాలు చెప్ప‌డం వంటివి చేశారు. రామ్ చరణ్, ఉపాసనల వివాహం 2012 జూన్ 24న ఘనంగా జర‌గ‌గా, పెళ్లయిన 11 ఏళ్ళకి ఒక పండంటి ఆడబిడ్డకు జన్మనివ్వడంతో ఇంత హంగామా నెలకొంది. ఇక రీసెంట్‌గా చిన్నారికి సంబంధించి బార‌సాల వేడుక నిర్వహించ‌గా, ఆ కార్య‌క్ర‌మంలో మెగా ప్రిన్సెస్ క్లింకారా కొణిదెల అనే పేరు పెట్టి ఆ పేరుని చిరు తన సోష‌ల్ మీడియా ద్వారా అంద‌రికి తెలియ‌జేశారు.
ఈ పేరు తన మ‌న‌వ‌రాలికి ఎందుకు పెట్టామనే అంశంపై కూడా మెగాస్టార్ చిరంజీవి క్లారిటీ ఇచ్చారు. లలితా సహస్రనామం నుంచి ఈ పేరు తీసుకున్నట్టు చిరంజీవి తెలియ‌జేశారు. ఈ పేరు సంప్ర‌దాయ‌బ‌ద్ధంగాను, ట్రెండీగాను ఉండ‌డంతో గ‌త కొద్ది రోజులుగా ఈ పేరుపై అనేక చ‌ర్చ‌లు న‌డుస్తున్నాయి. అలానే కొత్త కొత్త విష‌యాలు బ‌య‌ట‌కు వ‌స్తున్నాయి. పాప పేరు, పవన్ కళ్యాణ్ పేరు ఒకేలా ఉన్నాయ‌ని కొంద‌రు కామెంట్స్ చేస్తున్నారు. రామ్ చరణ్.. తన బాబాయ్ పవన్ కళ్యాణ్ పై ప్రేమతో కూతురికి ఈ పేరు పెట్టినట్లు కొంద‌రు ప్రచారం చేస్తున్నారు. ఇందుకు కారణాలు లేకపోలేదు.
పవర్ స్టార్ పవన్ కళ్యాణ్ అసలు పేరు కళ్యాణ్ కుమార్ కొణిదెల కాగా, ఆయ‌న పేరు అక్కడ అమ్మాయి ఇక్కడ అబ్బాయి సమయంలో పవన్ కళ్యాణ్ గా మారిపోయింది. అయితే కళ్యాణ్ కుమార్ కొణిదలని షార్ట్ క‌ట్‌లో కేకేకే అని రాస్తాం. ఇప్పుడు రామ్ చరణ్- ఉపాసనల కూతురు క్లిమ్ కార కొణిదల పేరు కూడా KKK నే వస్తుంది. ఈ విధంగా పవర్ స్టార్ పవన్ కళ్యాణ్ పేరుకు రామ్ చరణ్ కూతురు పేరుకు సంబంధం ఉంద‌ని, బాబాయ్‌పై ప్రేమ‌తోనే రామ్ చరణ్ తన కూతురికి ఇలాంటి పేరు పెట్టాడని కొంద‌రు మెగా అభిమానులు చెప్పుకొస్తున్నారు.
