Bigg Boss Telugu 6 Promo: Worlds బిగ్గెస్ట్ రియాలిటీ షో ‘బిగ్ బాస్’ న్యూ సీజన్ వచ్చేస్తోంది. ‘బిగ్ బాస్’ లవర్స్‌కిది గుడ్ న్యూస్.. ప్రతీ సీజన్‌లోనూ మరింత కొత్తదనంతో ప్రేక్షకులను అలరిస్తున్న ఈ షో ఇప్పుడు ఎక్కువ ఎంటర్‌టైన్‌మెంట్‌ అందించడానికి రెడీ అవుతోంది.

‘బిగ్ బాస్’ తెలుగు సీజన్ 6కి ‘కింగ్’ నాగార్జున వరుసగా నాలుగోసారి హోస్ట్ చెయ్యబోతున్నారు. ఫస్ట్ సీజన్‌కి యంగ్ టైగర్ ఎన్టీఆర్, సెకండ్ సీజన్‌కి నేచురల్ స్టార్ నాని హోస్టింగ్ చేశారు. 3,4,5 సీజన్లకు నాగ్ తన స్టైల్లో హోస్టింగ్ చేసి.. ప్రేక్షకుల మనసులు గెలుచుకున్నారు. ఇప్పుడు 6వ సీజన్‌తో అలరించబోతున్నారు.

రీసెంట్‌గా Bigg Boss Telugu 6 Promo రిలీజ్ చేశారు. కొత్తగా పెళ్లైన కూతురికి అప్పగింతలవుతుండగా.. ఇంటిల్లిపాదీ అంతా మాయమవడంతో పెళ్లి కూతురు షాక్ అవుతుంది. అప్పుడు ‘కింగ్’ నాగ్ ఎంటర్ అవుతారు. ‘‘మై డియర్.. ‘‘అప్పగింతలయ్యే వరక్కూడా ఆగలేకపోయారంటే.. అక్కడ ఆట మొదలైనట్టే.. లైఫ్‌లో ఏ మూమెంట్ అయినా బిగ్ బాస్ తర్వాతే.. బిగ్ బాస్ సీజన్ సిక్స్.. ఎంటర్‌టైన్‌మెంట్‌కి అడ్డా ఫిక్స్’’ అంటూ ప్రోమో అదరగొట్టేశారు. త్వరలో పూర్తి వివరాలు తెలియనున్నాయి..