Venumadhav: టాలీవుడ్ ప్ర‌ముఖ క‌మెడీయ‌న్స్‌లో వేణు మాధవ్ ఒక‌రు. మంచి మిమిక్రీగా ఆర్టిస్ట్‌గా పేరు తెచ్చుకున్న వేణు మాధవ్ కమెడీయన్గా ఇండస్ట్రీలో నిల‌దొక్కుకున్నాడు. స్టార్ హీరోల సినిమాల‌లో న‌టించి పెద్ద కమెడీయన్గా కూడా మారాడు. అయితే ప‌లు అనారోగ్య స‌మ‌స్య‌ల‌తో వేణు మాధవ్ చిన్న వ‌య‌స్సులోనే క‌న్నుమూశారు. అయితే తాజాగా వేణు మాధవ్ గురించి జ‌యంతి ప‌ద్మ సంచ‌ల‌న కామెంట్స్ చేసింది. ప‌ద్మ దాదాపు 400 సినిమాల‌లో న‌టించి తెలుగు ప్రేక్ష‌కుల‌కి ద‌గ్గ‌రైంది. ఇటీవ‌లి కాలంలో పెద్దగా సినిమాల‌లో క‌నిపించ‌ని జ‌యంతి ప‌ద్మ ఇప్పుడు వేణు మాధవ్ గురించి దారుణ‌మైన వ్యాఖ్య‌లు చేసి వార్త‌ల‌లో నిలిచింది.
జ‌యంతి ప‌ద్మ మాట్లాడుతూ.. వేణు మాధవ్.. మా వారి స్నేహితుడి వ‌ల‌న ప‌రిచయం అయ్యారు.వేణు మాధవ్ అనారోగ్యంతో బాధ‌ప‌డుతున్న స‌మ‌యంలో క్యారియ‌ర్ పంపించ‌మ‌ని మా వారికి ఫోన్ చేశారు. షూటింగ్స్ అప్పుడు కూడా మా వారికి కాల్ చేస్తే మా ఇంటి నుండే భోజ‌నం పంపేవాళ్లం.దానిని న‌లుగురు త‌ప్పుగా అనుకున్నారు. అయితే వేణు మాధవ్ మెల్ల‌గా అవ‌కాశాలు ద‌క్కించుకోవ‌డం, బిజీ ఆర్టిస్ట్ కావ‌డంతో ఆయ‌న ఏమ‌న్నా క్యారెక్ట‌ర్స్ ఇప్పిస్తాడేమో అనుకున్నాను. కాని తాను మ‌మ్మ‌ల్ని వాడుకున్నాడే త‌ప్ప ఎలాంటి సాయం చేయ‌లేదు. అంతేకాదు ప‌లు కార‌ణాలు చెప్పి డ‌బ్బులు కూడా తీసుకున్నాడు. అవి తిరిగి ఇవ్వ‌లేద‌ని ప‌ద్మ చెప్పుకొచ్చింది.
వేణు మాధ‌వ్‌కి అవ‌కాశాలు ఇప్పించే స్థాయి ఉన్నా కూడా ఆయ‌న చేయ‌లేదు అని ప‌ద్మ షాకింగ్ కామెంట్స్ చేసింది. ఇప్పుడు ప‌ద్మ చేసిన కామెంట్స్ ఇండస్ట్రీలో హాట్ టాపిక్‌గా మారాయి. ఇక వేణు మాధవ్ విష‌యానికి వ‌స్తే.. కృష్ణ హీరోగా తెరకెక్కిన సంప్రదాయం అనే సినిమాతో కమెడియన్ గా మారిన వేణు మాధవ్ రాజ‌కీయాల‌లో కూడా రాణించాల‌ని అనుకున్నారు.అయితే కొన్ని కారణాల వల్ల ఎమ్మెల్యే కావాల‌న్న కోరికను నెరవేర్చుకోలేకపోయారు. వేణు మాధ‌వ్‌కి డెంగ్యూ ఫీవర్ రాగా, ఆయ‌న దానికి చికిత్స చేయించుకోకపోవడంతో ఊపిరితిత్తులు చెడిపోయి క‌న్నుమూసార‌ని ఆయ‌న త‌న‌యులు ఓ ఇంట‌ర్వ్యూలో చెప్పుకొచ్చారు.
