Heroes: తెలుగు సినీ పరిశ్రమలో చాలా మంది హీరోలు, హీరోయిన్లు పెళ్లిళ్లు చేసుకుని విడిపోయారు. అలాగే హీరోలు కూడా తమ వ్యక్తిగత జీవితంలో సెలెబ్రిటీలను కాకుండా ఇంట్లో చూసిన సంబంధాలను పెళ్లిళ్లు చేసుకుని.. పిల్లలు పుట్టిన తర్వాత విడిపోయి.. మరో పెళ్లి చేసుకోవడం ఇలా చాలానే జరిగాయని చెప్పాలి. అలా మన టాలీవుడ్ సినీ ఇండస్ట్రీలో చాలా మంది హీరోలకు తల్లులు వేరైనా.. తండ్రి మాత్రం ఒక్కరే ఉన్నవారు ఉన్నారు. మరి ఆ హీరోలు ఎవరు.. ఏంటి.. అనే ఆశక్తికరమైన విషయాలు ఇప్పుడు తెలుసుకుందాం. ఫస్ట్ అయితే జూనియర్ ఎన్టీఆర్, నందమూరి కళ్యాణ్ రామ్. వీరిద్దరూ కూడా నందమూరి వంశానికి చెందినవారే. నటుడు నందమూరి హరికృష్ణ కొడుకులు.
హరికృష్ణ తన మొదటి భార్య లక్ష్మీకి కళ్యాణ్ రామ్ జన్మించారు. ఆ తర్వాత హరికృష్ణ శాలినీ అనే మహిళను ప్రేమించి పెళ్లి చేసుకున్నారు. వీరిద్దరికి జూనియర్ ఎన్టీఆర్ జన్మించారు. వీరిద్దరూ ఏ పార్టీలకు, ఈవెంట్స్ కి వెళ్లినా.. కళ్యాణ్ రామ్, జూనియర్ ఎన్టీఆర్ లు సొంత అన్నదమ్ముల్లానే ఉంటారు. అంతే ప్రేమగా కొనసాగుతున్నారు. నెక్ట్స్ మంచు విష్ణు, మంచు మనోజ్.. మోహన్ బాబు కూడా మొదటి భార్యకు మంచు లక్ష్మీ, విష్ణులు జన్మించారు. కొన్ని కారణాలతో ఆయన మొదటి భార్య చనిపోవడంతో రెండో వివాహం చేసుకున్నారు. తన రెండో భార్య నిర్మలాదేవికి మంచు మనోజ్ జన్మించారు. కానీ లక్ష్మీ, విష్ణు, మనోజ్ ఈ ముగ్గురు కూడా చాలా ఆప్యాయంగా ఉంటారు.
రీసెంట్ గా మంచు మనోజ్ రెండో పెళ్లిని దగ్గరుండి మరీ మంచు లక్ష్మీ ఎంతో ఘనంగా పెళ్లి జరిపించారు. ఇక అక్కినేని వారసులు. నాగచైతన్య, అఖిల్. వీరిద్దరికీ కూడా తండ్రి ఒక్కరే.. కానీ తల్లులు వేరు. నాగార్జున మొదటి భార్యకు నాగచైతన్య జన్మించారు. కానీ వీరిద్దరికి విడాకులు అవ్వడంతో అమలను ప్రేమించి పెళ్లి చేసుకున్నారు. వీరికి అఖిల్ జన్మించారు. అలా తల్లులు వేరైనా తండ్రి ఒక్కరే. కానీ అన్నదమ్ముల మధ్య ప్రేమ విషయంలో ఎలాంటి లోటు లేకుండా ఎంతో అన్యోన్యంగా ఉంటున్నారు.
