Suriya – Akshay Kumar: ఎలాంటి క్యారెక్టర్ అయినా అందులోకి ఇన్‌వాల్వ్ అయిపోయి ఆ పాత్రకు తన వంతు న్యాయం చెయ్యడానికి ఎంత రిస్క్ అయినా చేస్తుంటారు వెర్సటైల్ యాక్టర్ సూర్య. ఈ విషయం ఇప్పటికే ఆయన నటించిన సినిమాల ద్వారా.. చేసిన ఛాలెంజింగ్ రోల్స్ ద్వారా మనం చూశాం..
ఇటీవల సూర్య నటించిన ‘సూరరై పోట్రు’ (ఆకాశం నీ హద్దురా), ‘జై భీం’ సినిమాలు ఓటీటీలో రిలీజ్ అయ్యి, ఎంతటి సెన్సేషన్ క్రియేట్ చేసాయో తెలిసిందే. ప్రేక్షకాదరణ, విమర్శకుల ప్రశంసలతో పాటు పలు అవార్డులు కూడా అందుకున్న ఈ సినిమాలు కనుక థియేటర్లలో రిలీజ్ అయ్యి ఉంటే మరిన్ని సంచలనాలు నమోదు చేసేవి.
‘సూరరై పోట్రు’ మూవీని ఇప్పటికే పలు రీమేక్స్‌తో హిట్స్ అందుకున్న సీనియర్ నటుడు అక్షయ్ కుమార్ ‘వీఐఆర్’ పేరుతో రీమేక్ చేస్తున్నారు. సుధ కొంగర డైరెక్ట్ చేస్తున్నారు. ఈ సినిమాలో సూర్య గెస్ట్ రోల్ చేస్తున్నాడని వార్తలు వస్తున్నాయి. రీసెంట్‌గా ఈ విషయాన్ని కన్ఫమ్ చేస్తూ.. అక్షయ్ కుమార్‌తో ఉన్న పిక్ సోషల్ మీడియాలో షేర్ చేశారు సూర్య.
Leave a comment