Sivaji: ఒక‌ప్పుడు ఓ వెలుగు వెలిగిన చాలా మంది స్టార్స్ ఇప్పుడు పూర్తిగా ఇండ‌స్ట్రీకి దూర‌మ‌య్యారు. అలాంటి వారిలో శివాజీ ఒక‌రు. హీరోగా ప‌లు సినిమాలు చేశాక ఆ త‌ర్వాత అవ‌కాశాలు త‌గ్గడంతో స‌పోర్టింగ్ రోల్‌లో, విల‌న్‌గాను క‌నిపించి మెప్పించారు. అన‌త‌రం ఆయ‌న రాజకీయాల వైపు, సామాజిక కార్యక్రమాలపై ఎక్కువ దృష్టి సారించారు. అయితే ఎల‌క్ష‌న్స్ ముందు శివాజీ ప‌లు స‌ర్వేలు చేయ‌డం, వాటిపై డిబెట్స్ పెట్ట‌డం వంటి వాటితో కూడా మ‌నోడు ఎక్కువ‌గా వార్త‌ల‌లో నిలిచేవారు. తాజాగా శివాజీ ఓ ఇంట‌ర్వ్యూలో ప‌లువురు టాలీవుడ్ స్టార్స్ పై, ప్రముఖ సీనియర్‌ ఆర్టిస్టులపై సంచలన వ్యాఖ్యలు చేసి అంద‌రి దృష్టిని ఆక‌ర్షించారు.
ఆ మ‌ధ్య త‌న‌కు జ‌రిగిన అవ‌మానం గురించి చెబుతూ..ఇండస్ట్రీలో ఓ పెద్ద మ‌నిషి తండ్రి చ‌నిపోయిన బాధ‌లో ఉంటే వారిని ఓదార్చ‌డం కోసం హ‌గ్ చేసుకోవాల‌నుకున్నా. కాని నా రెండు చేతులు ప‌క్క‌కి తీసేసాడు. ఓహో.. వారిని ట‌చ్ చేయాలంటే హోదా ఉండాలేమో అని అనుకున్నాను. అత‌ను దేవుడు, ఆధ్యాత్మిక సమావేశాలలో ఎక్కువ పాల్గొంటారు.కాని అత‌ను మాత్రం జీవితం చాలా చిన్న‌ది ఇవ‌న్ని ఎందుకు అనే విష‌యాలు గ్ర‌హించ‌రు అని శివాజీ అన్నాడు.
ఇక మ‌రో పెద్ద ఆర్టిస్ట్ ఓర్వ‌లేని త‌నంతో త‌న‌కు రావ‌ల్సిన ఎక్కువ రెమ్యున‌రేష‌న్‌ని తగ్గించేలా చేశాడ‌ని చెప్పాడు.తన కెరీర్ వేగంగా గ్రోత్ కావ‌డంతో అది అత‌ను త‌ట్టుకోలేక‌పోయాడు. చిరంజీవి, త‌న‌కు మ‌ధ్య దూరం పెంచింది కూడా అత‌నే అని శివాజీ స్ప‌ష్టం చేశాడు. ఆ పెద్ద ఆర్టిస్ట్ తన గురించి లేనిపోని విషయాలను చిరంజీవి వద్ద చెప్పి, తనని బ్యాడ్‌గా క్రియేట్‌ చేసి వారి నుండి దూరం చేశాడ‌ని అన్నాడు. ఇక ఎన్టీఆర్‌కి త‌న‌కు మ‌ధ్య కూడా ఓ పెద్ద ఆర్టిస్ట్ వ‌ల‌నే దూరం పెరిగింద‌ని అన్నాడు. అక్క‌డి విష‌యాలు ఇక్క‌డి విష‌యాలు చెప్పి గ్యాప్ పెరిగేలా చేశాడు. ఒక‌ప్పుడు ఓ బ్యాచ్ చాడీలు చెబుతూ విభేదాలు క్రియేట్‌ చేసేవారని, ఇప్పుడు అలాంటి ప‌రిస్థితి ఇండస్ట్రీలో లేద‌ని శివాజీ తెలియ‌జేశారు.
