Rakul Preet: ఒకప్పుడు టాలీవుడ్ లో ఓ వెలుగు వెలిగిన టాలీవుడ్ అందాల ముద్దుగుమ్మ ర‌కుల్‌కి ఇప్పుడు తెలుగులో అవ‌కాశాలే లేకుండా పోయాయి. చిన్న హీరోల సినిమా అవ‌కాశాలు కూడా ఈ అమ్మ‌డికి ద‌క్క‌డం లేదు. హిందీలో ప‌లు చిత్రాలు చేస్తున్న‌ప్ప‌టికీ అవి బాక్సాఫీస్ ద‌గ్గ‌ర బోల్తా ప‌డుతున్నాయి. ఈ క్ర‌మంలో రకుల్ తెగ అందాలు ఆర‌బోస్తూ అవ‌కాశాలు ద‌క్కించుకునే ప్ర‌య‌త్నం చేస్తుంది.ఘాటెక్కించే అందాల‌తో అభిమానులని ఇంప్రెస్ చేస్తుంది కాని, నిర్మాత‌ల దృష్టి పెద్ద‌గా ఆక‌ర్షించ‌లేక‌పోతుంది. రకుల్ చివరగా టాలీవుడ్‌లో మన్మథుడు 2, చెక్, కొండపొలం వంటి చిత్రాల్లో నటించింది. ఈ మూడు చిత్రాలు బాక్సాఫీస్ ద‌గ్గ‌ర ఎంత నిరాశ‌ప‌ర‌చాయో మ‌నం చూశాం.
అయితే తాజా ఇంట‌ర్వ్యూలో రకుల్ ప్రీత్ సింగ్ త‌న‌కు అవ‌కాశాలు త‌గ్గ‌డంపై ఆస‌క్తిక‌ర కామెంట్స్ చేసింది. సౌత్‌లో ఒకప్పుడు నాకు అవ‌కాశాలు బాగా వ‌చ్చేవి. కెరీర్ పీక్స్ లో ఉన్న స‌మ‌యంలో వ‌రుస ప‌రాజ‌యాలు న‌న్ను ప‌ల‌క‌రించాయి. అందుకు కార‌ణం ఒక సీనియర్ హీరోతో ముద్దు సీన్ లో న‌టించ‌డం వారికి న‌చ్చ‌క‌పోవ‌డ‌మే అనుకుంటా. ఆ చిత్రం చాలా నిరాశ‌ప‌ర‌చింది. ఆ త‌ర్వాత అవ‌కాశాలు కూడా పూర్తిగా త‌గ్గాయి అని చెప్పుకొచ్చింది. రకుల్ కామెంట్స్ తో ఆ సీనియర్ హీరో ఎవ‌రా అని తెగ చ‌ర్చ‌లు జ‌రుపుతున్నారు. అయితే ఆ సీనియర్ హీరో నాగార్జున‌నే అని కొందరు చెప్పుకొస్తున్నారు.
సౌత్‌లో రకుల్ ప్రీత్ సింగ్ మన్మథుడు2 చిత్రంలో మాత్రమే ముద్దు సీన్ చేసింది. హిందీ అజయ్ దేవగన్ లాంటి సీనియర్ హీరోతో రొమాంటిక్ గా నటించిన‌ప్ప‌టికీ, ఈ అమ్మ‌డు సౌత్ గురించి మాట్లాడింది కాబట్టి రకుల్ చేసిన వ్యాఖ్యలు నాగార్జునని ఉద్దేశించే అని ప‌లువురు ముచ్చ‌టించుకుంటున్నారు. రాహుల్ ర‌వీంద్ర‌న్ తెర‌కెక్కించిన మన్మథుడు 2 చిత్రంలో మన్మథుడు 2లో రకుల్ ముద్దు సీన్లు, స్మోకింగ్ సీన్లలో చాలా బోల్డ్ గా నటించి ఆశ్చ‌ర్య‌ప‌ర‌చింది. మన్మథుడు 2 చిత్రం విడుదలయ్యాక విప‌రీత‌మైన ట్రోలింగ్ కూడా న‌డిచింది.
