Star Heroine: ప‌వర్ స్టార్ ప‌వ‌న్ క‌ళ్యాణ్ చివ‌రిగా న‌టించిన భీమ్లా నాయ‌క్ చిత్రంలో క‌థానాయిక‌గా న‌టించిన భామ నిత్యా మీన‌న్. ఈ అమ్మ‌డు స్టార్ హీరోయిన్‌గా టాలీవుడ్‌లో స‌త్తా చాటింది. ఇటీవల పెద్ద‌గా అవకాశాలు రావ‌డం లేదు. చిన్న చిత‌కా సినిమాల‌లో న‌టిస్తూ స‌త్తా చాటే ప్ర‌య‌త్నం చేస్తుంది. తాజాగా ఈ హీరోయిన్ ఇంట తీవ్ర విషాదం నెలకుంది. తను ఎంతో ఇష్ట‌ప‌డే వ్య‌క్తి కన్నుమూయ‌డంతో బాధని వ్యక్తం చేస్తూ నిత్యా సోషల్ మీడియాలో చేసిన పోస్ట్ నెట్టింట వైర‌ల్‌గా మారింది. నిత్యా ఇంట్లో ఇటీవల వ‌రుస విషాదాలు చోటు చేసుకుంటున్నాయి.
నిత్యా మీన‌న్ ఎంతగానో ప్రేమించే తన అమ్మమ్మ ఇప్పుడు చ‌నిపోగా, ఈమె కంటే ముందు నిత్యా తన తాతయ్యని కూడా కోల్పోయి తీవ్ర విషాదంలో మునిగింది. త‌న‌కి న‌చ్చిన తాత‌య్య, అమ్మమ్మ ఇద్ద‌రు కోల్పోవ‌డంతో నిత్యా మీన‌న్ విషాదంలో మునిగింది. తాజాగా నిత్యా మీన‌న్.. తన అమ్మమ్మ, తాతయ్యలతో కలిసి ఉన్న పిక్ ని షేర్ చేస్తూ.. “ఒక శకం ముగిసింది. గుడ్ బై అమ్మమ్మ అండ్ మై చెర్రీమ్యాన్. మిమ్మల్ని మరో లోకంలో కలుసుకుంటా” అంటూ తన ఇన్‌స్టా పోస్ట్‌లో పేర్కొంది. ఈ అమ్మ‌డి పోస్ట్‌కి నెటిజన్స్ స్పందిస్తున్నారు. ఆమెకు ధైర్యం చెబుతూ కామెంట్స్ పెడుతున్నారు. ఇలాంటి స‌మ‌యంలో ధైర్యంగా ఉండాల‌ని చెబుతున్నారు.
ఇక ఇక నిత్యామీనన్ సినిమాల సంగ‌తి చూస్తే .. ప్రస్తుతం మలయాళంలో ఒక సినిమా, తమిళంలో మరో సినిమా చేస్తుండ‌గా, పలు వెబ్ సిరీస్ లో కూడా నటిస్తుంది.. తెలుగు ఓటీటీ ప్లాట్‌ఫార్మ్ ఆహాలో ప్రసారమయ్యే తెలుగు ఇండియన్ ఐడల్ లో జడ్జిగా కూడా చేస్తూ వస్తుంది. మ‌రోవైపు సోషల్ మీడియాలోను తెగ సంద‌డి చేస్తూ అల‌రిస్తూ ఉంటుంది. ప్రస్తుతం నిత్యామీన‌న్‌కి తెలుగులో ఒక్క హిట్ లేదు. ఆమె తెలుగులో చేసిన `గుండె జారిగల్లంతయ్యిందే` , `సన్నాఫ్‌ సత్యమూర్తి`, `రుద్రమదేవి`, `ఒక అమ్మాయి తప్ప`, `జనతా గ్యారేజ్‌`, `అ!`, `గీత గోవిందం`, `గమనం`, వంటి చిత్రాలు మంచి విజ‌యం సాధించాయి..
