Ileana: గోవా బ్యూటీ ఇలియానా గురించి ప్ర‌త్యేక ప‌రిచ‌యాలు అక్క‌ర్లేదు. సౌత్ లో స్టార్ హీరోయిన్‌గా ఓ వెలుగు వెలిగిన ఇలియానా హిందీ పరిశ్రమలోను స్టార్ హీరోయిన్ కావాలని ప్రయత్నాలు చేసింది. అవి బెడిసి కొట్టాయి. అక్షయ్ కుమార్, అజయ్ దేవగన్ లాంటి సీనియర్ హీరోలకు జోడిగా ప‌లు సినిమాలు న‌టించిన కూడా అవి ఈ అమ్మ‌డికి ఆశించిన ఫ‌లితం ఇవ్వ‌లేదు. ఇటీవ‌లి కాలంలో సినిమాలు పూర్తిగా త‌గ్గించి సోష‌ల్ మీడియాలోనే తెగ సంద‌డి చేస్తూ కనిపించింది. అయితే ఆ మధ్య తన బేబి బంప్ ఫొటోలని సోష‌ల్ మీడియాలో షేర్ చేసి షాకిచ్చింది ఇలియానా. దీంతో అందరు షాక్ అయిపోయారు. అంతేకాదు ఆమె ప్రియుడు ఎవరనే దానిపై జోరుగా చ‌ర్చ‌లు కూడా చేశారు.
ఇన్ని రోజులు తన ప్రియుడు ఎవరనే దానిపై మౌనం పాటించిన ఇలియానా తాజాగా ఓ పోస్ట్ చేసి అత‌ని గురించి తెలియ‌జేసింది. అతడు తనను ఎలాంటి పరిస్థితుల్లో కలిశాడో, త‌న‌కు ఎంత‌గా ఉన్నాడో చెప్పుకొచ్చింది. అయితే అత‌ని పేరు, వివ‌రాలు లాంటివి మాత్రం వెల్లడించకుండా కేవ‌లం ఓ ఫొటో షేర్ చేసింది. ఫొటోలో తన ప్రియుడి ముఖాన్ని ఎవరూ గుర్తు పట్టకుండా జాగ్ర‌త్తలు తీసుకుంది ఇలియానా. అంతేకాదు ఓ ఎమోషనల్ క్యాప్షన్ కూడా తన పోస్ట్‌లో రాసుకొచ్చింది.
నేను తీవ్రమైన వేదనలో ఉన్న‌ప్పుడు, నా పట్ల నేను దయగా ఉండడం మరిచిన రోజుల్లో ఆ వ్యక్తి (ప్రియుడు) అండ‌గా ఉన్నాడు. నా హృదయం ముక్కలైందని భావించిన సమయంలో ఆ వ్యక్తి నన్ను ఓదార్చాడు. నా వెన్నంటే ఉన్నాడు. కన్నీళ్లను తుడిచి, నన్ను న‌వ్వించాడు. ఎన్నో జోకులను వేశాడు. నాకు క‌ష్టాల‌లో తోడుగా ఉన్నాడు. ఆ సమయంలో నాకు కావాల్సింది అదేనని అతడికి తెలుసు అంటూ ఇలియానా అత‌ని గురించి గొప్ప‌గా చెప్పుకొచ్చింది. అయితే అత‌డి వివ‌రాల‌ని మాత్రం చాలా గోప్యంగా ఉంచింది.ఈ పోస్ట్ చూశాక తన ప్రియుడు అంటే ఇలియానాకి అంత ప్రేమ ఉందా అని ముచ్చ‌టించుకుంటున్నారు. అయితే క‌త్రినా కైఫ్ సోద‌రుడితోనే ఇలియానా డేటింగ్ చేస్తుంద‌ని కొంద‌రి అభిప్రాయం. దీనిపై అయితే పూర్తి క్లారిటీ రావ‌ల‌సి ఉంది.
