ఇప్పటికే నాలుగు సీజన్లు పూర్తి చేసుకున్న బిగ్ బాస్ షో కి మంచి ఫాలోయింగ్ ఉంది. కోట్లలో అభిమానులు ఉన్న ఈ షో మరో సీజన్ ని స్టార్ట్ చేసే సమయం వచ్చేసింది. అయితే ఈ సారి ఈ షో కి హోస్ట్ గా ఎవరు చేయబోతున్నారన్న విషయం మీద ఇంకా క్లారిటీ లేదు. ఎవరు చేస్తారో అన్న ప్రశ్న ఎందుకు వస్తుందంటే మూడు, నాలుగు సీజన్లు చేసిన నాగార్జున ఈ సారి రెండు సినిమాలతో బిజీగా ఉండేలా కనిపిస్తున్నారు.
ముఖ్యంగా బంగార్రాజు సినిమాని రాబోయే సంక్రాంతికి రిలీజ్ చేసే ఆలోచనలో ఉన్నారు. ఆ సమయానికి సినిమాని రిలీజ్ చేయాలి అంటే ఆయన షూటింగ్ కి కచ్చితంగా హాజరు కావాల్సి ఉంటుంది. లేకపోతే అనుకున్న సమయానికి సినిమా ప్రేక్షకుల ముందుకు వచ్చే అవకాశం లేదు.
అందుకే అందరిలోనూ ఈ సారి ఈ ప్రశ్న తలెత్తుతోంది. ఒకవేళ నిజంగానే నాగార్జున గారు అందుబాటులో లేకపోతే మరెవరు ఈ షోకి హోస్ట్ గా చేస్తారన్న ఊహాగానాలు మొదలయ్యాయి. ఐతే, ఇప్పటికే తన No.1 యారీ షోతో యాంకర్ కం. హోస్ట్ గా సక్సెస్ అవుతున్న రానా ఈ సీజన్ బిగ్ బాస్ కి హోస్ట్ గా చేస్తారని భావిస్తున్నారు కొందరు. సీజన్ 1 జూనియర్ ఎన్టీఆర్, సీజన్ 2 నాని హోస్ట్స్ గా వ్యవహరించిన విషయం తెలిసిందే.
Leave a comment