Naga Chaitanya: తెలుగు సినిమా ఇండస్ట్రీలో అక్కినేని ఫ్యామిలీకి ఓ స్పెషల్ క్రేజ్ ఉంటుంది. అందులోనే యంగ్ హీరో అక్కినేని నాగచైతన్య ప్రజంట్ తాను చేసే సినిమాలు హిట్టయినా.. ఫ్లాప్ అయినా.. ఎక్కడా ఆగకుండా వరుస ప్రాజెక్ట్స్ చేసుకుంటూ వెళ్తున్నారు. నాగచైతన్యకు సినిమాల తర్వాత కార్లు అంటే చాలా ఇష్టం. ఆయన దగ్గర ఇప్పటికే చాలా కార్లు, బైక్ లు కలెక్షన్ ఉంటుంది. టాలీవుడ్ సినీ ఇండస్ట్రీలో నాగచైతన్య దగ్గర కార్లు, బైక్ లు కూడా వేరేవరి దగ్గర లేవన్నది టాక్ కూడా. నాగచైతన్యకు తనను ఇష్టపడేవాళ్లు కొన్ని కార్లు, బైక్స్ ని కూడా ఫ్యామిలీ మెంబర్స్.. ఫ్రెండ్స్ ఇలా చాలామంది గిఫ్ట్స్ గా ఇచ్చేవాళ్లు.
ఇక నాగచైతన్య మాజీ భార్య సమంతతో కలిసి ఉన్నప్పుడు తన భర్త కోసం చాలా స్పెషల్ గా ఉండే కార్లను గిఫ్ట్ గా ఇచ్చింది. ఇక తన ఫేవరెట్ కార్లు మాత్రం నాగచైతన్య తానే కొనుక్కునేవాడు. మరి చాలామందికి చై దగ్గర ఉన్న కార్లు ఎలాంటివి.. ఏవి హై కాస్ట్ అనే డీటైల్స్ తెలుసుకోవాలనుకుంటారు కదా.. మరి ఆ వివరాలేంటో ఇప్పుడు చూసేద్దాం. నాగచైతన్య దగ్గర ఫెరారీ కంపెనీకి చెందిన 488జిటిబి అనే కారు ఉంది. దీని కాస్ట్ అక్షరాల 3.88 కోట్లు. నాగచైతన్య దగ్గర అన్నీ కార్లల్లో కాస్ట్లీ కార్ ఇదే. నెక్ట్స్ బీఎండబ్ల్యూ 740 ఎల్ ఐ అని కారు కూడా నాగ చైతన్య దగ్గర ఉంది.
దీని ధర రూ. 1.30 కోట్లు. నిస్సాన్ జిటిఆర్ కారు ధర రూ. 2.12 కోట్లు. ల్యాండ్ రోవర్ కు చెందిన రేంజ్ రోవర్ వోగ్ కారు కూడా ఉంది. దీని ధర రూ.1.18 కోట్లు. మెర్సిడెస్ బెంజ్ జి క్లాస్ జి 63 ఏఎంజి కారు కూడా చైతన్య వాడుతున్నారు. దీని ఖరీదు రూ. 2.28 కోట్లు. ఎంవి ఆగస్టా ఎఫ్ 4 అనే బైకు కూడా చైతన్య దగ్గర ఉంది. దీని ధర రూ.35 లక్షలు. బీఎండబ్ల్యూ 9ఆర్ టి అనే బైక్ ధర రూ. 18.50 లక్షలు. ఈ కార్లు చైతు దగ్గర ఉన్నాయి. ఇక తన కార్లతో నాగచైతన్య అప్పుడప్పుడు ఆన్ రోడ్ కూడా వెళ్తారు.
