Varun Tej: గ‌త కొద్ది రోజులుగా ఎక్కడ చూసిన కూడా వరుణ్ తేజ్ లావణ్య త్రిపాఠి గురించే చ‌ర్చ న‌డుస్తుంది. ఐదారేళ్లుగా ప్రేమ‌లో ఉన్న ఈ జంట ఇటీవల హైదరాబాదులో స్నేహితులు, కుటుం సభ్యుల మధ్య నిశ్చితార్థం ఘ‌నంగా జ‌రుపుకున్నారు. మెగా కుటుంబంలో జరిగిన ఈ వేడుకకు సంబంధించిన ఫొటోలు ఇప్పటికీ సోషల్ మీడియాలో చ‌క్క‌ర్లు కొడుతూనే ఉన్నాయి. ఇక రీసెంట్‌గా వరుణ్ తేజ్ తన సోషల్ మీడియాలో ఓ కూల్ పిక్ ను పంచుకున్నాడు. తన మనసు దోచుకున్న లావణ్య త్రిపాఠీతో కలిసి ఫారెన్ లో విహరిస్తున్న ఫొటోని షేర్ చేస్తూ.. త‌మ‌కి శుభాకాంక్ష‌లు తెలియ‌జేసిన ప్ర‌తి ఒక్క‌రికి ధ‌న్య‌వాదాలు తెలియ‌జేశాడు. ఈ పిక్ అయితే విశేషంగా ఆక‌ట్టుకుంటుంది.
ఎంగేజ్‌మెంట్ త‌ర్వాత లావణ్య త్రిపాఠి, వరుణ్ తేజ్‌లకి సంబంధించిన అనేక విష‌యాలు కూడా సోషల్ మీడియాలో వైర‌ల్‌గా మారుతున్నాయి. ఎప్ప‌టి నుండో ప్రేమ‌లో ఉన్న ఈ జంట చాలా సైలెంట్ గా ఎక్కడ కూడా ర‌చ్చ కాకుండా నిశ్చితార్థం వరకు చాలా సీక్రెట్ మెయింటైన్‌ చేసింది ఈ జంట. ఇక మ‌రి కొద్ది రోజుల‌లో పెళ్లి చేసుకోబోతున్న తరుణంలో… వీరి ప్రేమకు సంబంధించి ఎన్నో ముచ్చట్లను అభిమానులు ఇష్టంగా, ఆస‌క్తితో చర్చించుకుంటున్నారు. ముందుగా వీరి ప్రేమ ఎలా మొదలైంది ఇంకా ఏ సినిమాతో వీరీ ప్రేమ చిగురించింది ఇంకా ఇద్దరి ప్రేమ బయటపడినప్పుడు కుటుంబ సభ్యుల రియాక్షన్ ఏంటి… ఇలా అనేక రకాల విషయాలపై చ‌ర్చ‌లు జ‌రుపుతున్నారు.
అయితే “మిస్టర్” సినిమా టైంలో లావణ్య త్రిపాఠి వరుణ్ తేజ్ హైట్ పైన చేసిన కామెంట్స్ ఇప్పుడు ప్ర‌తి ఒక్క‌రిని ఆక‌ట్టుకుంటున్నాయి. ఓ ఇంట‌ర్వ్యూలో మాట్లాడిన లావణ్య త్రిపాఠికి వరుణ్ తేజ్ హైట్ గురించి ప్రశ్న ఎదురైంది. ఏదైనా సమయంలో.. ఆయనతో ఇంకా సినిమాలు చేయాల్సి వస్తే కాళ్ళ కింద మరో బాక్స్ వేసుకొని నటించాల్సిన పరిస్థితి ఏర్ప‌డుతుంది అని పేర్కొంది. మ‌రి అప్పుడు అలా మాట్లాడిన లావణ్య త్రిపాఠి ఇప్పుడు అత‌నిని జీవిత భాగ‌స్వామిగా ఎంపిక చేసుకుంది. ఏదేమైన అప్ప‌ట్లో లావణ్య చేసిన కామెంట్స్ నెట్టింట వైరల్ అవుతున్నాయి.
