Heoines: వరుస విజ‌యాల‌తో దూసుకుపోతున్న నంద‌మూరి బాలకృష్ణ చివ‌రిగా వీర‌సింహారెడ్డి అనే చిత్రంతో బ్లాక్ బ‌స్ట‌ర్ హిట్ కొట్టాడు. ఈ చిత్రం బాక్సాఫీస్ ద‌గ్గ‌ర మంచి వ‌సూళ్లే రాబ‌ట్టింది. ఇక ఇప్పుడు అనీల్ రావిపూడి ద‌ర్శ‌క‌త్వంలో తన 108వ సినిమా చేస్తున్నాడు. ఈ చిత్రానికి భ‌గ‌వంత్ కేసరి అనే టైటిల్ ఫిక్స్ చేసి ఇటీవ‌ల ఓ చిన్న గ్లింప్స్ కూడా విడుద‌ల చేశారు. వాటికి సూప‌ర్భ్ రెస్పాన్స్ వ‌చ్చింది. దసరాకి ఈసినిమా ఎలాగైనా రిలీజ్ చేయాలని భావించిన టీం శ‌ర‌వేగంగా చిత్రీక‌ర‌ణ జ‌రుపుతుంది. ప్రస్తుతం ఈ సినిమా షూటింగ్ జ‌రుగుతుండగానే..మెగా డైరెక్టర్ బాబీతో ఇటీవ‌ల ఓ సినిమా ఓపెనింగ్ కూడా చేసేశాడు బాలయ్య.
అయితే భ‌గ‌వంత్ కేసరి సినిమా విష‌యానికి వ‌స్తే ఈ సినిమాని అత్యంత ప్ర‌తిష్టాత్మ‌కంగా రూపొందిస్తున్నారు అనీల్ రావిపూడి.ఈ సినిమా షూటింగ్ స్టార్ట్ అయినప్పటి నుంచి మొద‌లు ఏదో ఒక రకంగా చిత్రం గురించి న‌లుగురు మాట్లాడుకునేలా చేస్తున్నారు అనీల్ రావిపూడి. ఆ మ‌ధ్య సెట్‌లో అనీల్ రావిపూడి ఫైట్‌ మాస్టర్‌లతో కలిసి బాలయ్య సాంగ్‌కు స్టెప్పులేయ‌గా, అది సోష‌ల్ మీడియాని షేక్ చేసింది. ఇక ఇప్పుడు మరోసారి ఈ సెట్ లో హీరోయిన్స్ డాన్స్ పర్ఫామెన్స్ లతో దడదడలాడింది. చిత్రంలో నటిస్తున్న తారలు.. కాజల్ అగర్వాల్, శ్రీలీల నరసింహ నాయుడు సినిమాలోని చిలకపచ్చ కోక పాటకు ఊర మాస్ స్టెప్పులేసి అందరినీ ఆశ్చర్యపరిచారు..
అయితే ఇందుకు సంబంధించిన వీడియోని తన ఇన్‌స్టాలో పోస్ట్ చేసిన అనీల్ రావిపూడి.. బాలకృష్ణ సాంగ్‌కు తాను వేసిన సెప్టులు చూసి ఈర్షపడ్డ ఇద్ద‌రు హీరోయిన్స్ కాజల్, శ్రీలల ఇలా డ్యాన్సులు చేయకుండా ఉండలేకపోయారు అంటూ కామెంట్స్ చేశారు. బాలయ్య బాబు పాటలు అంటే మరి ఆ మాత్రం ఊపు లేకపోతే ఎట్టా అంటూ తన పోస్ట్‌లో రాసుకొచ్చారు. ప్రస్తుతం ఈ వీడియో మాత్రం నెట్టింట ట్రెండింగ్ మారింది. ఇక ఈ చిత్రాన్ని షైన్‌ స్క్రీన్‌ సంస్థ నిర్మిస్తుండ‌గా, థమన్‌ సంగీతం అందిస్తున్నాడు.
