Aditi Shankar: డైరెక్టర్ శంకర్ గురించి కొత్తగా చెప్పక్కర్లేదు.. పేరుకి తమిళ దర్శకుడైనా.. తన సినిమాలతో ప్రపంచవ్యాప్తంగా గుర్తింపు తెచ్చుకున్నారు. సౌత్‌లో శంకర్ సినిమాలకుండే క్రేజే వేరు.. ఆయన ఫస్ట్ ఫిలిం ‘జెంటిల్ మెన్’ నుండి ఇప్పటివరకు ప్రతి సినిమా తెలుగులో డబ్ అయ్యాయి.
ఆయన మేకింగ్ స్టైలే వేరు.. ఇటీవలే దర్శకుడిగా 29 సంవత్సరాలు పూర్తి చేసుకున్నారు. శంకర్ పెద్ద కూతురు అదితి శంకర్ కోలీవుడ్‌లో కార్తి హీరోగా నటించిన ‘విరుమాన్’ (Viruman) హీరోయిన్గా ఎంట్రీ ఇచ్చింది. ఎమ్.ముత్తయ్య దర్శకత్వంలో కార్తి అన్నయ్య సూర్య, వదిన జ్యోతిక నిర్మించిన ఈ మూవీ ఆగస్టు 12న తమిళనాట రిలీజ్ అవుతుంది.
ఇప్పుడు తమిళ్ యంగ్ స్టార్ శివ కార్తికేయన్ పక్కన కొత్త సినిమా కమిట్ అయ్యింది అదితి. అశ్విన్ దర్శకత్వంలో శాంతి టాకీస్ బ్యానర్ మీద అరుణ్ విశ్వ నిర్మిస్తున్న ఈ సినిమాకి ‘మావీరన్’ (Maaveeran) తెలుగులో ‘మహావీరుడు’ అనే టైటిల్ ఫిక్స్ చేశారు. రీసెంట్‌గా చెన్నైలో పూజా కార్యక్రమాలతో ప్రారంభించారు.
పాన్ ఇండియా స్టార్ డైరెక్టర్ శంకర్ ముఖ్య అతిథిగా విచ్చేశారు. త్వరలో రెగ్యులర్ షూటింగ్ స్టార్ట్ చేయనున్నారు. శంకర్ ప్రస్తుతం మెగా పవర్ స్టార్ రామ్ చరణ్‌తో ప్రెస్టీజియస్ పాన్ ఇండియా ఫిలిం RC 15 చేస్తున్నారు. వచ్చేనెలలో ‘విశ్వనటుడు’ కమల్ హాసన్ ‘ఇండియన్ 2’ బ్యాలెన్స్ షూటింగ్ కంప్లీట్ చెయ్యబోతున్నారు.
Leave a comment