సెలబ్రిటీలు ఏం చేసినా చూసేవాళ్లకి సమ్‌థింగ్ స్పెషల్‌గానే ఉంటుంది. మన చుట్టుపక్కల వాళ్లు సెన్సేషన్ క్రియేట్ చేసే న్యూస్‌కి కారణమైనా కానీ మనకి న్యూసెన్స్‌గానే ఉంటుంది. అదే ఎవరైనా ఓ సెలబ్రిటీ వాళ్ల పెట్‌తో కనిపించినా సరే నోరెళ్లబెట్టి మరీ చూస్తుంటాం. కొన్నిసార్లు అయితే.. ఆ, ఇదేమంత వింతలే అనుకుంటూ ఉంటాం. మరికొంతమంది చేసే మంచి పనులు చూసి మెచ్చుకుంటూ ఉంటాం.. ఒకోసారి స్పూర్తి కూడా పొందుతుంటాం. ఇప్పుడలాంటి ఓ హార్ట్ టచ్చింగ్ న్యూస్‌తో సోషల్ మీడియాలో ఓ సెలబ్రిటీని గురించిన ఇష్యూ ఒకటి వైరల్ అవుతోంది.
మీరు చూస్తున్న ఈ మహిళ పేరు దీప్తి ధ్యాని. నార్త్‌లో సీరియల్ నటి. పాపులర్ నటుడు సూరజ్ థాపర్ రెండో భార్యే దీప్తి. భర్త మీద ప్రేమతో దీప్తి చేసిన పని ఇప్పుడు వార్తల్లో నిలిచింది. గతంలో సూరజ్ కోవిడ్ బారిన పడ్డారు. అప్పుడాయన ఆరోగ్య పరిస్థితి ఆందోళనకరంగా మారింది. దాదాపు 70 శాతం ఆయన లంగ్స్ డ్యామేజ్ అయ్యాయి. భర్త ఆరోగ్యం కోసం దీప్తి ప్రతీ గుడికి వెళ్లి ప్రార్థించేవారు.
భర్త తిరిగి కోలుకోవాలని ఎన్నో ప్రదేశాల్లోన్ని ప్రముఖ దేవాలయాల్లో దీప్తి పూజలు జరిపారు. కొంతకాలానికి సూరజ్ ఆరోగ్యం మెరుగుపడింది. భర్త సంపూర్ణ ఆరోగ్యంతో మునుపటి స్థితికి చేరుకోవడంతో దీప్తి ప్రార్థనలు ఫలించాయి. దీంతో ఆమె తిరుపతి వెంకటేశ్వరస్వామికి భక్తితో తలనీలాలు సమర్పించారు. ‘‘అందమైన, పొడవాటి జుట్టుని దేవుడికి సమర్పించి, భర్త మీద ప్రేమని, దైవ భక్తిని చాటుకుని, మరికొందరు మహిళలకు ఆదర్శంగా నిలిచారు.. రియల్లీ యువర్ గ్రేట్ మేడమ్’’ అంటూ నెటిజన్స్ దీప్తిని ప్రశంసిస్తున్నారు.
Leave a comment