Rajinikanth: సూపర్ స్టార్ రజనీకాంత్ ప్రజంట్ భారీ బడ్జెట్ మూవీస్ లో నటిస్తూ ఫుల్ బిజీగా ఉన్నారు. ప్రజంట్ ఆయన వయస్సు 72 ఏళ్లు.. దాదాపుగా 50 ఏళ్లుగా సినీ ఇండస్ట్రీని ఏలుతున్నారు. కోలీవుడ్ లో సినిమాలు చేస్తే సౌత్ సినీ ఇండస్ట్రీకి తలైవాగా పేరు సాధించుకున్నారు. రజనీకాంత్ సినిమాల్లో నటుడిగా, విలన్ గా, నిర్మాతగా ఎన్నో పాత్రలు పోషించారు. ఆయనకు పద్మ విభూషణ్, పద్మభూషణ్ లాంటి అవార్డ్స్ తో పాటు నంది అవార్డులు, ఫిలింఫేర్ అవార్డుటు, జాతీయ పురస్కారం అవార్డులు ఇలా ఎన్నో సాధించారు. అలాంటి రజనీకాంత్ లైఫ్ లో ఓ చేదు అనుభవం ఎదురైంది. కోలీవుడ్ లోని ఓ ఫేమస్ ప్రొడ్యూసర్.. రజనీకాంత్ ను మీ మోహానికి కారు కూడానా అంటూ అవమానంగా మాట్లాడారట. రజనీకాంత్ సినిమాలు స్టార్ట్ చేసిన కొత్తగా రెమ్యునరేషన్ కేవలం వేలల్లోనే ఉండేది.
అలా ఓ నిర్మాత రజనీకాంత్ ని హీరోగా పెట్టి సినిమా తీస్తానని 6000 రూపాయలు రెమ్యునరేషన్ కు ఫిక్స్ చేశారట. రజనీకాంత్ కూడా నెక్ట్స్ డే షూటింగ్ కోసం నిర్మాత పంపిన కారులోనే షూటింగ్ స్పాట్ కు చేరుకున్నారు. అప్పుడే నిర్మాత షూటింగ్ మొదలు పెట్టేముందు వెయ్యి రూపాయల అడ్వాన్స్ ఇస్తానని అన్నారట. ఆ విషయమే నిర్మాతకు గుర్తు చేసి.. రజనీకాంత్ అడ్వాన్స్ అడిగితే.. నువ్వేమైనా పెద్ద స్టార్ వి అనుకుంటున్నావా, అడగ్గానే డబ్బులు ఇచ్చేయడానికి.. సినిమా మొత్తం అయ్యాకే ఇస్తాను అని చాలా హేళనగా మాట్లాడారట. అలాగైతే మీ సినిమాలో నేను హీరోగా చేయను అని.. నన్ను కారులో ఇంటి దగ్గర దింపేయమని అడిగితే.. నీ మొహానికి కారు కూడా పంపాలా.. నడుచుకుంటూ వెళ్లూ అని చాలా అవమానకరంగా.. నీచంగా మాట్లాడారట.
ఈ మాటలకు రజనీకాంత్ చాలా బాధపడ్డారట. అప్పుడే రజనీకాంత్ కారు కొనాలని ఫిక్స్ అయ్యి.. చాలా కష్టపడి 5 లక్షల విలువైన కారు కొని దానికి ఒక ఫారిన్ డ్రైవర్ ను పెట్టుకుని.. ఎవరైతే రజనీకాంత్ ను అవమానించారో.. ఆ నిర్మాత ఇంటి దగ్గరకు వెళ్లి.. ఆయన చూస్తుండగానే రెండు రౌండ్లు వేసి.. ఆ ప్రొడ్యూసర్ ముందు కుర్చీలో కాలు మీద కాలు వేసుకుని కూర్చుని స్టైల్ గా సిగరెట్ తాగారట. అలా తనకు జరిగిన అవమానానికి పగ తీర్చుకున్నారన్నమాట. ఒక కండెక్టర్ పొజిషన్ నుండి ఈరోజు ఇంత పెద్ద స్టార్ గా నిలిచి ఎంతోమంది యంగ్ హీరోలకు ఆదర్శంగా రజనీకాంత్ నిలిచిన సంగంతి తెలిసిందే
