Bro Movie: ప‌వ‌న్ క‌ళ్యాణ్, సాయి ధ‌ర‌మ్ తేజ్ ప్ర‌ధాన పాత్ర‌ల‌లో రూపొందిన సూప‌ర్ హిట్ చిత్రం బ్రో .ఈ చిత్రం బాక్సాఫీస్ దగ్గర మంచి వ‌సూళ్లు రాబ‌డుతుంది. తమిళంలో సముద్రఖని, తంబిరామయ్య ముఖ్యపాత్రల్లో నటించిన ఈ సినిమాను తెలుగు నేటివిటీకి తగ్గట్టు పలు మార్పులు చేర్పులతో రూపొందించారు. సినిమాకి కాస్త మిక్స్ డ్ టాక్ వచ్చిన కూడా మూవీ బాక్సాఫీస్ దగ్గర మంచి వసూళ్లే రాబ‌డుతుంది. అయితే తొలి రోజుతో పోల్చితే మాత్రం రెండో రోజు డీలా పడ్డాడు బ్రో . ఈ సినిమాకు మంచి బుకింగ్స్ నమోదు కావడంతో ఫస్ట్ డే రెండు తెలుగు రాష్ట్రాల్లో కలిపి 23.61 కోట్లు నమోదు కాగా, రెండో రోజు మాత్రం స‌గం మాత్రమే రాబట్టింది. రెండు తెలుగు రాష్ట్రాల్లో కలిపి రెండో రోజు కేవ‌లం 10.47 కోట్లు రాబట్టింది బ్రో మూవీ.
మొత్తంగా ఈ రెండు రోజుల్లో తెలంగాణ, ఆంధ్రప్రదేశ్ కలెక్షన్స్ కలిపి చూస్తే 34.08 కోట్ల నెట్, 52.50 కోట్ల గ్రాస్ వచ్చినట్లు ట్రేడ్ వర్గాల రిపోర్ట్స్ చెప్పుకొస్తున్నాయి. ఇక బ్రో చిత్రం రిలీజ్ అయిన త‌ర్వాత సినిమా గురించి అనేక ఆస‌క్తిక‌ర విష‌యాలు నెట్టింట హ‌ల్‌చ‌ల్ చేస్తున్నాయి. బ్రో చిత్రంలో క‌థానాయిక‌లుగా కేతిక శర్మ, ప్రియా ప్రకాష్ వారియర్ అనే ఇద్దరు హీరోయిన్స్ నటించారు. ఇక వీరితో పాటు చిత్రంలో మరో హీరోయిన్ కూడా సినిమాలో ఉందనే విషయం చాలా మందికి తెలియదు. సాయి ధ‌ర‌మ్ తేజ్ చెల్లిలిగా ప్రియాతో పాటు మరో అమ్మాయి న‌టించింది. ఆమె ప్రియా క‌న్నా చాలా అందంగా ఉండ‌డంతో అంద‌రి దృష్టి ఆమెపై ప‌డింది.
తమిళంలో చాలా సూప‌ర్ హిట్ సినిమాల్లో హీరోయిన్ గా నటించిన యువ శ్రీలక్ష్మి అనే అమ్మాయి చిత్రంలో తేజ్ చెల్లెలిగా న‌టించింది. చిత్రంలో ఈ భామ నటన చూసిన చాలామంది తెలుగు జనాలు ఈమె ఎవరబ్బా అంటూ సెర్చ్ చేయడం ప్రారంభించారు. బ్రో సినిమాకి సముద్రఖని దర్శకత్వం వహించిన నేప‌థ్యంలో తమిళ హీరోయిన్ కి అవకాశంద ద‌క్కిన‌ట్టు చెబుతున్నారు. చిత్రంలో యుశ శ్రీ ల‌క్ష్మీ నటన చాలా బాగుండడంతో ఈమెకు తెలుగులో వరుసగా ఆఫర్లు వెల్లువెత్తుతాయని కొందరు చెప్పుకొస్తున్నారు. ఏదేమైన బ్రో ద్వారా అనేక ఆస‌క్తిక‌ర విష‌యాలు వెలుగులోకి రావ‌డం విశేషం.
