Sai Dharam Tej Sister: ఇటీవ‌ల విడుద‌లైన మంచి విజ‌యం సాధించిన చిత్రం బ్రో. ప‌వ‌న్ క‌ళ్యాణ్‌,సాయి ధరమ్ తేజ్ ప్ర‌ధాన పాత్ర‌ల‌లో సముద్ర‌ఖ‌ని తెర‌కెక్కించిన ఈ సినిమాకి మంచి రెస్పాన్స్ ద‌క్కింది. చిత్రానికి మాటల మాంత్రికుడు, ప్ర‌ముఖ ద‌ర్శ‌కుడు త్రివిక్రమ్ శ్రీనివాస్ తెలుగు నేటివిటికి అనుగ‌ణంగా కథలో మార్పులు, చేర్పులు చేశారు. జూలై 28న చిత్రం విడుద‌ల కాగా, మూవీకి మంచి ఆద‌ర‌ణే ద‌క్కింది. టైమ్ సెంటిమెంట్ తో అల్లుకున్న చిత్ర క‌థ‌కు ప్రేక్ష‌కులు బాగానే క‌నెక్ట్ అయ్యారు. చిత్రంలో సిస్ట‌ర్ సెంటిమెంట్ కూడా సినిమా స‌క్సెస్ కావ‌డంలో భాగం అయింది. చిత్రంలో సాయి ధరమ్ తేజ్ స‌ర‌స‌న కేతిక శ‌ర్మ క‌థానాయిక‌గా న‌టించగా, ఆయ‌న‌కి చెల్లెళ్లుగా ప్రియా ప్రకాష్ వారియర్, యువ లక్ష్మి కనిపించారు.
ప్రియా ప్ర‌కాశ్ వారియర్ గురించి ప్ర‌త్యేకంగా చెప్ప‌న‌క్క‌ర్లేదు. వింక్ బ్యూటీగా ఈ అమ్మ‌డు ఎంతో ఆద‌ర‌ణ సంపాదించుకుంది. ఇక యువ‌ల‌క్ష్మీ చిత్రంలో గాయ‌త్రి అనే పాత్ర పోషించింది. ఆమె పాత్ర‌కి చిత్రంలో బాగా స్కోప్ ఉంది. త‌న న‌ట‌న‌తో కూడా ఈమె ఎంత‌గానో అల‌రించింది. అయితే చిత్రంలో సాయిధరమ్ తేజ్ చెల్లెలుగా నటించిన యువలక్ష్మి పూర్తి డీటైల్స్ చాలా మందికి తెలియ‌క‌పోవ‌చ్చు. ఆమె పెద్ద యాక్టర్ అని బహుశా చాలామందికి తెలిసి ఉండకపోవచ్చు. చిన్నప్పటి నుండే అనేక సినిమాలు, టీవీలో చిన్న పిల్లల షో కూడా కనిపించి సందడి చేసింది. చైల్డ్ ఆర్టిస్టుగా కూడా ప‌లు సినిమాల‌లో న‌టించి మెప్పించింది.
తమిళంలో సముద్ర ఖని, అమల్ పాల్ నటించిన అమ్మ కనక్కు అనే చిత్రంలో వారి కూతురిగా కనిపించి ఎంత‌గానో ఆక‌ట్టుకుంది. కాంచన 3, వినోదయ సీతం వంటి చిత్రాల్లో కూడా యువ‌ల‌క్ష్మీ మెరిసింది . ఇక్క‌డ ముఖ్య విష‌యం ఏంటంటే ఆమె నటించిన అన్ని చిత్రాలు కూడా సూపర్ డూపర్ హిట్స్ గా నిలిచాయి. తమిళంలో ఎక్కువ సినిమాలు నటించిన యువ లక్ష్మికి ఆఫ‌ర్స్ వెల్లువెత్తుతున్నాయి. ప్రస్తుతం ఆమె బిజీ ఆర్టిస్ట్ గా మారింది. ఇన్నాళ్లు త‌మిళంలోనే సందడి చేసిన ఆమె ఇప్పుడు బ్రో చిత్రంతో తెలుగు తెరకి కూడా పరిచయమైంది యువ లక్ష్మి. రానున్న రోజుల‌లో యువ‌ల‌క్ష్మీ ప‌లు తెలుగు సినిమాల‌తో కూడా సందడి చేయ‌డం ఖాయంగా క‌నిపిస్తుంది.
