Manchu Manoj: మంచు మోహ‌న్ బాబు త‌నయుడు మనోజ్ ఇటీవ‌ల తెగ వార్త‌ల‌లో నిలుస్తున్నాడు. ఆయ‌న రెండో పెళ్లి, మంచు విష్ణుతో గొడ‌వ ఇలా పలు విష‌యాల‌తో హాట్ టాపిక్ అయ్యాడు. తాజాగా మనోజ్కి సంబంధించిన ఓ విష‌యం ఇప్పుడు ఫిలిం న‌గ‌ర్‌లో తెగ హ‌ల్‌చ‌ల్ చేస్తుంది.మంచు మనోజ్ గ‌తంలో వివాహం జ‌ర‌గ‌గా, 2019లో ఆమెతో విడిపోయాడు. ఇక కొన్నాళ్ల‌పాటు సోలోగా ఉన్న మనోజ్ 2023 మార్చి 3న భూమా మౌనికను వివాహం చేసుకున్నారు. మంచు లక్ష్మీ ఇంట్లోనే ఈ వివాహం జ‌ర‌గ‌గా, వేడుక‌కి ఇండ‌స్ట్రీకి సంబంధించిన ప‌లువురు ప్రముఖులు, రాజ‌కీయ నాయ‌కులు హాజ‌ర‌య్యారు. ఇంట్లో వాళ్ల‌కి ఇష్టం లేకుండానే మనోజ్ ఈ పెళ్లి చేసుకున్నాడ‌ని చాలా వార్త‌లు వచ్చాయి.
ఇక భూమా మౌనిక‌కి మొద‌టి భ‌ర్త‌తో ఓ అబ్బాయి జ‌న్మించ‌గా, అత‌ని పేరు ధైర‌వ్ రెడ్డి. ప్ర‌స్తుతం అత‌ను మనోజ్ ఇంట్లోనే ఉంటున్నాడు. అత‌డిని శివుడు ఇచ్చిన కొడుకుగా ఇప్పటికే ప్రకటించిన మనోజ్ చాలా గారాబంగా చూసుకుంటున్నారు. ఇటీవ‌ల అత‌నితో ఆడుకుంటున్న వీడియోని షేర్ చేయ‌గా, ఇందులో మనోజ్ చాలా ఖుషీగా క‌నిపించారు. ఇక ఇప్పుడు మనోజ్కి సంబంధించిన వార్త ఒకటి నెట్టింట హ‌ల్‌చ‌ల్ చేస్తుంది. మౌనిక‌తో మనోజ్ ఓ బిడ్డ‌ను ప్లాన్ చేస్తున్నాడ‌ని టాక్. మౌనిక గర్భం దాల్చారని, త్వ‌ర‌లోనే ఆమె పండంటి బిడ్డ‌కు జ‌న్మ‌నివ్వ‌బోతున్నార‌ని టాక్. దీనిపై పూర్తి క్లారిటీ రావ‌ల‌సి ఉంది.
ఇక మంచు మనోజ్ కొన్నాళ్లుగా సినిమాల‌కి దూరంగా ఉంటున్నారు. ఇప్పుడు ఆయ‌న సెకండ్ ఇన్నింగ్స్ కి రెడీ అవుతున్నారు. వాట్ ది ఫిష్ టైటిల్ తో ఇప్పటికే మనోజ్ ఒక మూవీ ప్రకటించ‌గా, ఈ మూవీ త్వ‌ర‌లోనే సెట్స్ పైకి వెళ్లే అవ‌కాశం ఉంది. అంతేకాదు మనోజ్కి సంబంధించి ఒకటి రెండు ప్రాజెక్ట్స్ చర్చల దశలో ఉన్నాయని టాక్. . మనోజ్ సిల్వర్ స్క్రీన్ కి దూరమై చాలా కాలం అవుతుండ‌డంతో ఆయ‌న సినిమా కోసం ఫ్యాన్స్ ఎంతో ఆస‌క్తిగా ఎదురు చూస్తున్నారు. ఇక గ‌త కొద్ది కాలంగా విష్ణుతో మనోజ్, విష్ణుకి విబేధాలు కొనసాగుతున్నాయి. పెళ్లి విష‌యంలోనే ఇద్దరి మధ్య విబేధాలు తారా స్థాయిలో జరిగినట్లు టాక్.
