Home Film News Balayya 108: బాల‌య్య 108వ సినిమాకి టైటిల్ ఫిక్స్.. ఇక ఊచ‌కోత‌నే..!
Film News

Balayya 108: బాల‌య్య 108వ సినిమాకి టైటిల్ ఫిక్స్.. ఇక ఊచ‌కోత‌నే..!

Balayya 108: అఖండ‌, వీర‌సింహారెడ్డి వంటి బ్లాక్ బ‌స్ట‌ర్ హిట్ చిత్రాల త‌ర్వాత నంద‌మూరి బాల‌కృష్ణ అనీల్ రావిపూడి ద‌ర్శ‌క‌త్వంలో త‌న  108వ సినిమా చేస్తున్న విష‌యం తెలిసిందే. గ‌త కొద్ది రోజులుగా ఈ మూవీ షూటింగ్ శ‌ర‌వేగంగా జ‌రుపుకుంటుంది. అయితే ఈ మూవీ టైటిల్‌కి సంబంధించి కొన్నాళ్లుగా అనేక వార్త‌లు వినిపిస్తుండ‌గా, ఎట్ట‌కేల‌కు మేక‌ర్స్ కొద్ది సేప‌టి క్రితం పోస్ట‌ర్ ద్వారా క్లారిటీ ఇచ్చారు. ‘భగవంత్ కేసరి అనే టైటిల్ పెట్టి దానికి ‘ఐ డోంట్ కేర్’… అనేది ఉప శీర్షికగా పెట్టారు.. జూన్ 10న బాలకృష్ణ పుట్టిన రోజు కావ‌డంతో… రెండు రోజుల ముందు టైటిల్ రివీల్ చేశారు. తెలుగు చలన చిత్ర పరిశ్రమలో ఎన్నడూ లేని విధంగా రికార్డు స్థాయిలో  తెలుగు రాష్ట్రాల్లోని 108 హోర్డింగ్స్ మీద టైటిల్ పోస్టర్లు పొందుప‌రిచారు.

పోస్ట‌ర్‌లో బాలకృష్ణ లుక్ చూసి అభిమానులు ఫిదా అవుతున్నారు. టీజర్ ఎప్పుడు అంటూ దర్శకుడు అనిల్ రావిపూడిని, నిర్మాతలను సోషల్ మీడియాలో ట్యాగ్ చేస్తూ.. అడుగుతున్నారు. ఉగాది సందర్భంగా విడుదల చేసిన బాలకృష్ణ రెండు డిఫరెంట్ గెట‌ప్స్ చూసి ఫ్యాన్స్  ఫిదా అయిపోయారు. బాలకృష్ణ మునుపెన్నడూ చూడని విధంగా ఉన్నారని.. అనిల్ రావిపూడి అద్భుతంగా తమ హీరో లుక్‌ను మార్చారని ప్ర‌శంస‌లు కురిపించారు. తాజాగా విడుద‌లైన  టైటిల్, ఫస్ట్ లుక్ పోస్టర్‌లో గతంలో లుక్‌ని మించి ఉంది నంద‌మూరి బాల‌కృష్ణ‌ మేనరిజం. ఆయన చేతిలో ఉన్న ఆయుధం కూడా డిఫరెంట్‌గా క‌నిపిస్తుంది. మోకాలి మీద కూర్చొని శత్రువులపై దాడికి సిద్ధంగా ఉన్న సింహంలా పోస్ట‌ర్‌లో క‌నిపిస్తున్నారు.

విజయ దశమి కానుకగా భ‌గ‌వంత్ కేస‌రి సినిమా థియేటర్లలో విడుదల కానుంది. ఈ చిత్రాన్ని షైన్ స్క్రీన్స్ పతాకంపై హరీష్ పెద్ది, సాహు గారపాటి ప్ర‌తిష్టాత్మ‌కంగా నిర్మిస్తున్నారు.  ఈ చిత్రంలో బాలకృష్ణకు జోడీగా కాజల్ అగర్వాల్ నటిస్తుండ‌గా, వీరిద్ద‌రి కాంబోలో ఇది తొలి చిత్రం. ఈ సినిమాలో మరో హీరోయిన్ శ్రీ లీల కూడా ఉంది.. బాలకృష్ణకు వరుసకు కుమార్తె అయ్యే పాత్రలో ఆమె నటిస్తున్న‌తెలుస్తుంది. బాలకృష్ణ సోదరుడిగా శరత్ కుమార్ నటిస్తుండ‌గా, ఆయ‌న‌ది శ్రీ లీలకు తండ్రి పాత్ర . ఇక బాలీవుడ్ నటుడు అర్జున్ రాంపాల్ విలన్ రోల్ లో క‌నిపించి అద‌ర‌గొట్ట‌నున్నారు.

Related Articles

దివంగత శ్రీదేవికి.. ఎన్టీఆర్ దేవర సినిమాకు ఉన్న లింక్ ఏంటో తెలుసా..? కొరటాల స్కెచ్ మామూలుగా లేదుగా..!

టాలీవుడ్ స్టార్ డైరెక్టర్ కొరటాల శివ డైరెక్షన్లో ఎన్టీఆర్ నటిస్తున్న మూవీ దేవర.. పాన్ ఇండియా...

అది నాకు ఎప్పుడో తెలుసు.. నాగచైతన్య హీరోయిన్ సాయి పల్లవి గురించి సమంత హాట్‌ కామెంట్స్..!

ప్రస్తుతం ఇదే వార్త చిత్ర పరిశ్రమలో ఎంతో వైరల్ గా మారింది. ఇన్ని రోజులు ఎంతో...

బిగ్ బ్రేకింగ్: “షణ్ముఖ్” కేసులో బయటపడ్డ కొత్త కోణం.. అన్నిటికీ కారణం “యాంకరే” నా..?

షణ్ముఖ్ జస్వంత్ ఈ పేరు గురించి అందరికీ ప్రత్యేకంగా పరిచయం అవసరం లేదు. యూట్యూబ్లో వచ్చిన...

హీరో తేజ స‌జ్జ త‌ల్లిదండ్రులు ఎవ‌రు.. సినిమా ఇండ‌స్ట్రీలోకి ఎలా వ‌చ్చాడు.. !?

తేజ స‌జ్జ‌.. ప్ర‌స్తుతం ఈ యువ హీరో పేరు మారుమోగిపోతోంది. 2024లో సంక్రాంతి పండుగ కానుక‌గా...