Tamannaah: సౌత్ సినీ ఇండస్ట్రీలో మిల్కీ బ్యూటిగా పేరు తెచ్చుకని సక్సెస్‍ఫుల్ హీరోయిన్‍గా స‌త్తా చాటుతున్న అందాల ముద్దుగుమ్మ తమన్నా. హ్యాపీడేస్ మూవీతో తెలుగు యువత గుండెల్లో చిచ్చు పెట్టిన ఈ ముద్దుగుమ్మ ఆ త‌ర్వాత స్టార్ హీరోల సినిమాల‌లో కూడా న‌టించి మంచి పేరు తెచ్చుకుంది. ఇప్పుడు సౌత్, నార్త్ సినిమాలు, వెబ్ సిరీసులతో తెగ బిజీగా ఉంది. ఇటీవలే జైలర్, భోళా శంకర్ మూవీస్‍తోపాటు లస్ట్ స్టోరీస్ 2, జీ కర్దా వెబ్ సిరీసులతో ప్రేక్షకులని ఎంత‌గానో అలరించింది. అయితే ఈ అమ్మ‌డు ప్రేమలో పడ్డారని మీడియా కోడైకూసింది.నటుడు విజయ్ వర్మతో ఆమె సన్నిహితంగా ఉంటున్న నేపథ్యంలో వారిద్ద‌రి మ‌ధ్య స‌మ్‌థింగ్ స‌మ్‌థింగ్ న‌డుస్తుంద‌ని చెప్పుకొచ్చారు. ఈ క్ర‌మంలో తమన్నా త‌న ఎఫైర్‌పై ఇటీవల ఓపెన్ అయ్యింది.
విజయ్ వర్మతో నా రిలేషన్ నిజమేనని కుండబద్దలు కొట్టిన ఈ భామ.. లస్ట్ స్టోరీస్ 2 సెట్స్ లో తమ ప్రేమ కథ మొదలైందని చెప్పుకొచ్చింది. అయితే చాలా మంది హీరోలతో పని చేసిన‌ప్ప‌టికీ, విజయ్ వర్మ చాలా ప్రత్యేకం. నాకు రక్షణగా నిలబడతాడనే నమ్మకం ఉంది. మాది ఆర్గానిక్ బంధం. నన్ను దెబ్బతీయాలని చూసే వారి నుండి రక్షిస్తాడు. నా కోసం ఒక అందమైన ప్రపంచాన్ని సృష్టించుకున్నాను అంటూ తమన్నా ఆయన గురించి గొప్ప‌గా చెప్పుకొచ్చింది. ఆయ‌న‌తో రిలేషన్ గురించి ఓపెన్ అయిన తమన్నా జంట విరామం దొరికితే విహారాలకు చెక్కేస్తున్నారు. తాజాగా మాల్దీవ్స్ వెళ్లారు. అక్క‌డ ఫుల్‌గా ఎంజాయ్ చేశారు.
అయితే మాల్దీవ్స్ నుండి వ‌స్తున్న స‌మ‌యంలో విజయ్ వర్మ ఎక్కడని త‌మ‌న్నాని మీడియా ప్రశ్నించింది. ఆమె ఏం మాట్లాడకుండా వెళ్ళిపోయింది. అనంతరం విజయ్ వర్మ వచ్చాడు. ఆయన్ని ఒకరు ‘మాల్దీవ్స్ లో బాగా ఎంజాయ్ చేశారా? అని అడిగారు. ఆ ఇబ్బందికర ప్రశ్నకు విజయ్ వర్మ అసహనం ఫీల్ అయ్యాడు. ఇలా మాట్లాడటం సరికాదని విజయ్ అన్నారు. ఇక పెళ్లి ఎప్పుడంటే వీరిద్దరూ స్పష్టమైన సమాధానం కూడా ఇవ్వడం లేదు. మరోవైపు జైలర్ చిత్రంలో న‌టించిన తమన్నా ఈ సినిమాతో త‌న డ్యాన్స్ తో అద‌ర‌గొట్టింది. ఈ మూవీ రూ. 650 కోట్ల వసూళ్లు కొల్లగొట్టింది. అయితే జైలర్ లో తామన్నప్ పాత్రకు అంత ప్రాధాన్యత లేదు.
