బిగ్ బాస్ 5 లో ఆలీ కనిపించే అవకాశం!

తెలుగులో బిగ్ బాస్ పేరుతో మంచి సక్సెస్ చూసిన బిగ్ బాస్ షో ప్రతి సంవత్సరం వినూత్నంగా సెలబ్రిటీలని షోలోకి తీసుకురావాలని చూస్తుంది. కానీ, చివరి సారి మాత్రం చాలా వరకు ఎవ్వరికీ తెలియని వాళ్ళు ఉండడంతో ఆ షో సక్సెస్ ఆశించినంత ఆనందం ఫాన్స్ కి ఇవ్వలేకపోయింది. అందుకే, ఈ సారి ఒక పెద్ద సెలబ్రిటీని షోలోకి తీసుకుని వచ్చే అవకాశాలు మెండుగా కనిపిస్తున్నాయి.

ఐతే, ఈ సెప్టెంబర్ లో సీజన్ 5 మొదలు పెట్టే పనిలో ఉన్నారు నిర్వాహకులు. అందుకోసం ప్రత్యేక శ్రద్ధ తీసుకుని పనుల్లో నిమాగ్నమయ్యారట. షణ్ముఖ్ జశ్వంత్, శేఖర్ మాస్టర్ వంటి వాళ్ళని షోలోకి తీసుకువచ్చే ఆలోచనలో ఉన్నారు. ఆయన మరెవరో కాదు.. గ్రేట్ కమిడియన్ అలీ గారు. దాదాపు 40 ఏళ్లుగా ఇండస్ట్రీలో ఉంటూ.. ఎంతోమంది అభిమానులని సంపాదించుకున్న అలీ గారు ఈ షోకి వస్తే షో కచ్చితంగా హిట్ అవుతుంది అనే ఆలోచనలో ఉన్నారు యాజమాన్యం.

కానీ, ఇక్కడొక చిక్కు ఉంది. అదే.. అలీ గారు ఇందుకు ఒప్పుకుంటారా లేదా అన్నది. ఒకవేళ ఆయన ఒప్పుకుంటే.. షో స్థాయి.. చాలా దూరం వెళుతుంది అనేది ఆలోచన. ఆలీ పరిస్తితి చూస్తుంటే ఒప్పుకునే అవకాశాలే కనిపిస్తున్నాయి. ఎందుకంటే.. ఆలీకి ఇప్పుడు సినిమాలలో పెద్దగా డిమాండ్ లేదు. తనంతట తాను ఒక షోని రన్ చేస్తున్నాడు తప్ప ప్రత్యేకంగా ఆలీ ఇంకేమీ చేయడం లేదు. అందుకే ఆయన ఈ షోలోకి వచ్చే అవకాశాలు మెండుగా ఉన్నాయని భావిస్తున్నారు.