Prabhas 20 Years: టాలీవుడ్ రెబల్ స్టార్, పాన్ ఇండియా స్టార్ ప్రభాస్ నటుడిగా 20 సంవత్సరాలు పూర్తి చేసుకుంటున్నారు. ‘బాహుబలి’ తో తెలుగు సినిమా సత్తాని ప్రపంచానికి చాటిచెప్పారు ప్రభాస్-రాజమౌళి. దేశ విదేశాల్లోనూ ప్రభాస్‌కి ఫ్యాన్స్ పెరిగారు. ముందు ముందు పాన్ వరల్డ్ స్థాయిలో అతను నటించే సినిమాలు తెరకెక్కబోతున్నాయి.
‘ఆదిపురుష్’ తో బాలీవుడ్‌లోకి ఎంటర్ అవుతున్నారు. ‘సలార్’ పాన్ ఇండియా, ‘ప్రాజెక్ట్-K’ పాన్ వరల్డ్ స్థాయిలో తెరకెక్కుతుండగా.. 25వ సినిమా ‘స్పిరిట్’ ఎనిమిదికి పైగా భాషల్లో రూపొందనుంది. రెబల్ స్టార్ కృష్ణంరాజు నటవారసుడిగా, ఆయన తమ్ముడు సూర్య నారాయణ రాజు తనయుడు ‘ఈశ్వర్’ సినిమాతో ఎంట్రీ ఇచ్చిన ప్రభాస్ మొట్టమొదటిసారిగా కెమెరా ముందు నిల్చుని జూన్ 28కి 20 ఇయర్స్ అవుతోంది.
ఈ సందర్భంగా కృష్ణంరాజు, ఆయన సతీమణి శ్యామలా దేవి వారి నివాసంలో కేక్ కట్ చేసి, మీడియా ద్వారా తమ ఆనందాన్ని, అనుభూతుల్ని పంచుకున్నారు. స్టార్ డైరెక్టర్ జయంత్ సి.పరాన్జీ దర్శకత్వంలో, నటుడు అశోక్ కుమార్ ‘అశోక్’ మూవీని నిర్మించారు.
కృష్ణంరాజు మాట్లాడుతూ.. ‘‘ప్రభాస్ నటుడిగా కెరీర్ స్టార్ట్ చేసి అప్పుడే 20 ఏళ్లైపోయిందంటే ఆశ్చర్యంగా ఉంది. ఫస్ట్ సినిమా ‘ఈశ్వర్’ ఓపెనింగ్‌కి అన్ని చోట్ల నుండి భారీగా అభిమానులు, ప్రేక్షకులు తరలివచ్చారు. ప్రేక్షకాభిమానుల ఆశీస్సుల వల్లే ప్రభాస్ ఇరవై సంవత్సరాలు పూర్తి చేసుకున్నాడు.
ఇరవై సంవత్సరాలకి ఇరవై దేశాల్లో హీరో అయ్యాడు. రీసెంట్‌గా తెలిసింది, ప్రభాస్‌ని హాలీవుడ్‌కి కూడా ఇంట్రడ్యూస్ చెయ్యబోతున్నారని.. ‘ఆదిపురుష్’ సినిమాని హాలీవుడ్‌లో రిలీజ్ చెయ్యబోతున్నారని తెలిసింది. ఇది కనుక నిజమైతే ప్రభాస్ ఎంత ఎత్తుకెదిగాడు, మన దేశం, తెలుగు సినిమా పరిశ్రమ ఎంతగా అభివృద్ధిచెందిదో తెలుస్తుంది. ఈ 20 సంవత్సరాలకి ప్రభాస్ ఎవరూ అఛీవ్ చెయ్యలేని, ఇకముందు చెయ్యబోనిది అఛీవ్ చేశాడు’’ అంటూ ఆనందాన్ని వ్యక్తం చేశారు.
Leave a comment