Rajinikanth: సూపర్ స్టార్ రజనీకాంత్ వరుసపెట్టి సినిమాలు చేస్తున్న విషయం తెలిసిందే. ఇటీవ‌లి కాలంలో త‌లైవా సినిమాలు పెద్ద‌గా విజ‌యం సాధించ‌డలేదు. డిఫ‌రెంట్ కాన్సెప్ట్స్ ఎంచుకున్న‌ప్ప‌టికీ ఎందుకో సినిమాలు ప్రేక్షకులని అల‌రించ‌లేక‌పోతున్నాయి. ప్రస్తుతం రజనీకాంత్ జైలర్ అనే సినిమాతో బిజీగా ఉన్నారు. డాక్టర్ ఫేమ్ నెల్సన్ దిలీప్ కుమార్ ద‌ర్శ‌క‌త్వంలో ఈ చిత్రం రూపొందుతుండ‌గా, ఇందులో తమన్నా క‌థానాయిక‌గా న‌టిస్తుంది. చిత్రంలో రజనీకాంత్ కరుడుగట్టిన నేరస్తులు ఉండే జైలుకు జైలర్ గా క‌నిపించ‌నున్నారు. ఆగ‌స్ట్ 10న ఈ మూవీ విడుదల కానుండ‌గా, చిత్ర షూటింగ్ శ‌ర‌వేగంగా జ‌రుగుతుంది.
అయితే త‌లైవా తాజాగా నటి తమన్నాకు ఊహించని గిఫ్ట్ ఇచ్చాడట. దైవభక్తి ఎక్కువ ఉన్న రజనీకాంత్ రాఘవేంద్ర స్వామి భక్తుడు అనే విషయం తెలిసిందే. హిమాలయాల్లో ఉన్న ఓ బాబాజీని అమితంగా ఆరాధిస్తారు. మన జీవితంలో జరిగే ప్రతి చర్యకు దేవుడే కారణమని ఆయ‌న న‌మ్ముతుంటారు . తోటి వారిలో ఆధ్యాత్మిక చింతన పెరిగేలా చేస్తాడు రజనీకాంత్. ఈ క్రమంలో జైలర్ హీరోయిన్ తమన్నాకు రజినీకాంత్ స‌ర్‌ప్రైజింగ్‌ గిఫ్ట్ ఇచ్చాడట. రాఘవేంద్ర స్వామి విగ్రహాన్ని, ఓ పుస్తకాన్ని గిఫ్ట్ గా ఇచ్చాడని స‌మాచారం. రజినీకాంత్ ఇచ్చిన గిఫ్ట్ కి తమన్నా తెగ మురిసిపోయింద‌ట.
రజనీకాంత్ నుండి వ‌చ్చిన ఏ వ‌స్తువు అయిన అమూల్య‌మైన‌ది అని తమన్నా అంటుంద‌ట. తొలిసారి రజనీకాంత్ స‌ర‌సన జ‌త క‌ట్టిన త‌మ‌న్నాఈ సినిమాపై భారీ అంచ‌నాలే పెట్టుకుంది. ఈ అమ్మ‌డు భోళా శంకర్ అనే చిత్రం కూడా చేస్తుంది.. చిరంజీవి హీరోగా తెరకెక్కుతున్న భోళా శంకర్ ఆగస్టు 11న విడుదల కానుండ‌గా,ఇందులో క‌థానాయిక‌గా కనిపించి అల‌రించ‌నుంది. ఇటీవ‌ల ఈ అమ్మ‌డు బాలీవుడ్ నటుడు విజయ్ వర్మతో డేటింగ్ చేస్తున్నారని తెగ ప్ర‌చారం న‌డుస్తుంది. తరచుగా ఈ జంట కలిసి చక్కర్లు కొడుతుండ‌డం అనేక అనుమానాల‌కి ఊత‌మిస్తుంది. ఇక రజనీకాంత్ విష‌యానికి వ‌స్తే.. జైలర్ త‌ర్వాత కేఈ జానవేల్ రాజా డైరెక్షన్ లో సినిమా సెట్స్ మీదకు తీసుకెళ్ల‌నున్నాడు. ప్రస్తుతం ప్రీ ప్రొడక్షన్ పనులు శ‌ర‌వేగంగా కొనసాగుతున్నాయి. తర్వలోనే ఈ చిత్ర షూటింగ్ ప్రారంభం కానుంది. అయితే ఈ చిత్రంతో ఇప్పటికే సీనియర్ నటుడు అర్జున్ ఈ చిత్రంలో విలన్ పాత్రలో నటించబోతున్నారని స‌మాచారం.
