Rashmi Tweet: జ‌బ‌ర్ధ‌స్త్ షోతో లైమ్ లైట్ లోకి వ‌చ్చిన వారిలో రష్మీ గౌతమ్ కూడా త‌ప్ప‌క ఉంటుంది. ఈ అమ్మ‌డు అంత‌కముందు పలు సీరియ‌ల్స్, సినిమాలు చేసిన కూడా పెద్ద‌గా గుర్తింపు తెచ్చుకోలేదు. ఎప్పుడైతే మ‌ల్లెమాల సంస్థ‌లో అడుగుపెట్టిందో రష్మీ జాత‌క‌మే మారిపోయింది. అమ్మడి పేరు తెలుగు రాష్ట్రాల‌లో మోరుమ్రోగిపోయింది. ఇక అన‌సూయ బుల్లితెర‌కి గుడ్ బై చెప్ప‌డంతో ఈ అమ్మ‌డికి అవ‌కాశాలు కూడా బాగానే పెరిగాయి. రష్మి గౌతమ్‌కు ఓ బంపర్ ఆఫర్ వచ్చినట్లు కొద్ది రోజులుగా ప్ర‌చారం జ‌రుగుతుంది. బిగ్ బాస్ సీజన్ 7లో ఓ కంటెస్టెంట్‌గా పాల్గోనే ఛాన్స్ ర‌ష్మీకి వచ్చిందని.. ఇందులో పాల్గొన‌డానికి రెమ్యూనరేషన్ మాత్రం భారీగా అడుగుతున్నట్లు టాక్ నడుస్తోంది.
ఇక రష్మీ గౌతమ్ స‌మాజం ప‌ట్ల కూడా ప్ర‌త్యేక శ్ర‌ద్ధ చూపుతుంద‌న్న విష‌యం మ‌న‌కు తెలిసిందే. మూగు జీవాల‌ని ఎవ‌రు హింసించిన వెంట‌నే స్పందిస్తూ ఉంటుంది. ఆ మధ్య హైదరాబాద్ నగరంలో ఓ బాలుడు వీధి కుక్కల దాడిలో మరణించ‌గా, ఆ స‌మ‌యంలో రష్మీ గౌతమ్ పై చాలా మంది నెటిజెన్స్ మండిపడ్డారు. నీ లాంటి వారి వలనే వీధి కుక్కలు రోజురోజుకి పెరిగిపోతున్నాయి. మనుషుల మీద దాడులు కూడా ఎక్కువ అవుతున్నాయి అంటూ ఆగ్ర‌హం వ్య‌క్తం చేశారు. అప్పుడు రష్మీ వారికి ధీటుగా బ‌దులిచ్చింది.. పిల్లల సంరక్షణ బాధ్యత చూసుకవ‌ల్సింది త‌ల్లిదండ్రులు, ఇందులో వీధి కుక్కల తప్పేం లేదన్నట్లు మాట్లాడి విమ‌ర్శ‌ల పాలైంది.
రష్మీ గౌతమ్ తాజాగా ఓ ఇన్సిడెంట్‌పై ఆగ్ర‌హం వ్య‌క్తం చేస్తూ ట్వీట్ చేసింది. ఓ వ్య‌క్తి త‌న పెట్ హిట్ డాగ్‌ని హింసిస్తుండగా, అందుకు సంబంధించిన వీడియో రష్మీ దృష్టికి వ‌చ్చింది. అది చూసి తీవ్ర ఆందోళ‌న చెందిన రష్మీ.. కుక్క పిల్లను కాపాడాలంటూ సోషల్ మీడియా వేదికగా కోరింది. అత‌ను చాలా క్రూయ‌ల్‌గా క‌నిపిస్తున్నాడు. వాడి వ‌ల‌న కుటుంబ స‌భ్యుల‌కి కూడా ప్ర‌మాద‌మే. రేపిస్ట్ అయి కూడా ఉండిఉండ‌వ‌చ్చు. పిల్ల‌ల‌ని సైతం లైంగికంగా వేధిస్తాడు అంటూ కాస్త ఘాటుగానే బ‌దులిచ్చింది రష్మీ
