గోపీచంద్ కెరీర్.. మూడడుగులు ముందుకు.. ఆరడుగులు వెనక్కి అన్నట్టు ఒక హిట్ వస్తే.. మూడు ఫ్లాప్‌లు వ‌చ్చిప‌డుతున్న‌యి. ఈ విధంగా హీరోగా రేసులో వెనకబడుతున్నాడు. వరుస ఫ్లాప్‌లున్న తన కు ఉన్న మాస్ యాక్షన్ ఇమేజ్ కారణంగా టాలీవుడ్‌లో హీరోగా వరుస సినిమాలు చేస్తున్నాడు. మాస్ హీరో ఇమేజ్ గోపీచంద్‌కి పెద్ద అడ్వాంటేజ్ అని చెప్పాలి. ‘సీటీమార్’ తర్వాత ఎన్నో అంచనాల మధ్య విడుదలైన మారుతి ‘పక్కా కమర్షియల్‌’ మూవీ పెద్దగా అలరించలేకపోయింది. ఆ తర్వాత వచ్చిన ‘రామబాణంస కూడా రొటీన్ ఫ్యామిలీ డ్రామా కావడంతో ప్రేక్షకులను అలరించడంలో విఫలమైంది.
దీంతో ఇపుడు కొత్త దర్శకుడు హర్ష డైరెక్షన్‌లో ‘భీమా’ సినిమాతో ఈ శివరాత్రికి ప్రేక్ష‌కుల‌ముందుకు రాబోతున్నాడు. ఈ సినిమాలో గోపీచంద్ మరోసారి పోలీస్ పాత్రలో రఫ్ఫాడించబోతున్నాడు. మరోవైపు ‘భీమా’ టైటిల్‌తోనే ఈ మూవీపై మాస్ వైబ్రేట్స్ క్రియేట్ చేయడంలో సక్సెస్ అయింది చిత్ర యూనిట్‌. ఇప్పటికే ఈ సినిమా నుంచి వచ్చిన టీజర్, ట్రైలర్, సాంగ్స్ ప్రేక్షకులను ఎంతగానో ఆకట్టుకున్నాయి. ఈ మూవీతో మరోసారి గోపీచంద్ బ్యాక్ బౌన్స్ అవుతాడా అనేది చూడాలి.
తాజాగా ఈ సినిమా సెన్సార్‌ను పూర్తి చేసుకుంది. సెన్సార్ వాళ్లు ఈ సినిమాలో హింసాత్మక దృష్యాలు కారణంగా ఈ మూవీకి ‘A’ సర్టిఫికేట్ జారీ చేశారు. అంతేకాదు చాలా రోజులు తర్వాత పోలీస్ బ్యాక్ డ్రాప్ మూవీగా ఈ సినిమా ప్రేక్షకులను అలరించడం పక్కా అని అంటున్న‌రు. గోలీమార్ సినిమా తర్వాత ఆ రేంజ్‌లో గోపీచంద్ యాక్షన్ ఈ సినిమాలో ఉంటుంద‌ని.. ఈ సినిమా మహా శివరాత్రి కానుకగా మరికొన్ని గంటల్లో ప్రేక్ష‌కుల ముందుకు రానుంది. ఇక ఈ సినిమాను శ్రీ సత్యసాయి ఆర్ట్స్ బ్యానర్ పై కేకే రాధామోహన్ ఎంతో ప్రతిష్టాత్మకంగాా నిర్మించారు.
ఇక ఈ సినిమాలో గోపీచేందుకు జంటగా నాగచైతన్య దూత వెబ్ సిరీస్ లో నటించిన ప్రియా భవానీ శంకర్ గోపీచంద్ కు జంటగా నటించింది. అంతేకాదు మాళవిక శర్మ, నిహారిక కొణిదెల కూడా ఈ మూవీలో నటించారు. ఈ సినిమానికి కేజీఎఫ్, సలార్ ఫేమ్ రవి బస్రూర్ సంగీతం అందిచాడు. ఇక మ‌రీ ఎన్నో ఆశ‌లు పెట్టుకున్నీ నటించిన ఈ మూవీ గోపీచంద్‌కు మరో పవర్ఫుల్ కమ్ బ్యాక్ మూవీగా నిలుస్తుందా లేదా అనేది చూడాలి.
