టాలీవుడ్ లోనే నట‌సింహం నందమూరి బాలకృష్ణకు దర్శకుల హీరో అనే పేరు ఉంది. ఆయనకు కథ నచ్చి మూవీనీ ఓకే చేస్తే పూర్తిగా డైరెక్టర్ కి అయినా సరెండర్ అయిపోతారు.. ఈ క్రమంలోనే బాలయ్యకు హిట్లు ప్లాప్‌లు కూడా ఎదురయ్యాయి. అయితే ఆయనకు మంచి విజ‌యాలు వచ్చినప్పుడు దర్శకులను ప్రశంసించారు.. కానీ ఎప్పుడూ ఫలానా దర్శకుడు వల్ల తన సినిమా ప్లాప్ అయిందని ఎక్కడ ఎవరిని విమర్శించలేదు. చిన్న పెద్ద డైరెక్టర్ అనే బేధం లేకుండా తనతో సినిమా చేసే ప్రతి డైరెక్టర్ కి ఎంతో గౌరవం ఇస్తారు.. అలాగే సాయం చేయడంలోనూ అందరికంటే ముందుంటారు. అందుకే బాలయ్యది బంగారం మనసు అని కూడా అంటారు. అలాంటి బాలకృష్ణపై ఓ దర్శకుడు నోరు పారేసుకున్నాడు దీంతో బాలయ్య అభిమానులు ఆయనపై ఫైర్ అవుతున్నారు.
కోలీవుడ్ సీనియర్ దర్శకుడు కె.ఎస్ రవికుమార్ కి ఘోర అపజయాలు ఎదురైనప్పుడు ఆయనకు ఏ తమిళ హీరో ఒక్క ఛాన్స్ కూడా ఇవ్వలేదు. అలాంటి సమయంలో బాలకృష్ణ పిలిచి మరి ఆయనకు వరుసగా రెండు అవకాశాలు ఇచ్చారు. ఇక వీరి కాంబోలో 2018లో వచ్చిన జై సింహా ప్రేక్షకులను బాగా ఆకర్షించింది. ఆ తర్వాత 2019లో రూలర్ సినిమాతో మరోసారి ఈ కాంబో రిపీట్ అయింది. అయితే ఈ సినిమాలో బాలకృష్ణ పోలీస్ గెటప్ పైన చాలా ట్రోల్స్ కూడా వచ్చాయి. దీంతో ఈ సినిమా డిజాస్టర్ గా మిగిలిపోయింది. అయినా కూడా బాలయ్య ఎప్పుడు రవికుమార్ ని ఒక్క మాట కూడా అనలేదు. అయినప్పటికీ కె ఎస్ రవికుమార్ కొలీవుడ్‌లో బాలయ్య పై జోకులు వేసుకుని తన పబ్బం గడుపుతున్నాడు.
ఇక తాజాగా ‘గార్డియన్స అనే ఓ తమిళ సినిమా ప్రెస్ మీట్ కు హాజరైన రవికుమార్ బాలయ్య పై వివాదాస్పద వ్యాఖ్యలు చేశాడు. బాలకృష్ణ షూటింగ్లో ఎవరైనా నవ్వినట్టు కనిపిస్తే వారు ఆయనని చూసి నవ్వుతున్నారనుకునీ ఆయన ఊరికనే కోపం తెచ్చుకుంటారని.. వెంటనే ఆ వ్యక్తిని పిలిచి కొడతారని రవికుమార్ ఆ ప్రెస్ మీట్ లో చెప్పుకొచ్చాడు. ఒకసారి నా అసిస్టెంట్ డైరెక్టర్ శరవణన్ అనుకోకుండా ఫ్యాన్ ని బాలకృష్ణ వైపు తిప్పడంతో ఆయన విగ్గు ఎగిరిపోయింది అది చూసి శరవణన్ చిన్నగా నవటంతో బాలకృష్ణకు కోపం వచ్చి అతనిపై గట్టిగా అరిచారు ఎక్కడ కొడతారేమోనన్న భయంతో నేనే శరవన్‌న్ని అక్కడి నుంచి పక్కకు తీసుకువెళ్లాలని రవికుమార్ చెప్పుకొచ్చాడు.
అయితే ఇప్పుడు బాలకృష్ణపై కేఎస్ రవికుమార్ చేసిన ఈ వ్యాఖ్యలు సోషల్ మీడియాలో తీవ్ర దుమారమే రేపాయి. ఓ సీనియర్ దర్శకుడు అయ్యుండి కనీసం బుద్ధి లేకుండా.. ఓ సినిమా వేడుకలో స్టార్ హీరో గురించి ఇలాంటి కామెంట్స్ ఏంటని అందరూ ఆయనను తప్పుపడుతున్నారు. ఇక బాలయ్య అభిమానులైతే ఓ రేంజ్ లో ఆయన పై ఫైర్ అవుతున్నారు. అవకాశాలు లేక ఇబ్బంది పడుతుంటే పిలిచి మరి రెండు సినిమా అవకాశాలు ఇస్తే.. ఇప్పుడు అవకాశం ఇచ్చిన హీరో పైనే ఇలాంటి సెటైర్లు వేస్తున్నాడా.. అసలు బాలకృష్ణ ఇలాంటి విశ్వాసం లేని వారిని తన దగ్గరికి కూడా రానివ్వకూడదని ఆగ్రహం వ్యక్తం చేస్తున్నారు.
