Adipurush: భారీ అంచ‌నాల మ‌ధ్య ప్రేక్ష‌కుల ముందుకు వ‌చ్చిన ఆదిపురుష్ చిత్రం రిలీజైన తొలి రోజు నుండి మిక్స్‌డ్ టాక్‌తో దూసుకుపోతుంది. ఈ సినిమాకి ఓవైపు నెగెటివ్ టాక్ వస్తున్నా కూడా మ‌రోవైపు క‌లెక్ష‌న్స్ ప‌రంగా దూసుకుపోతుంది. చిత్రంలో ప్రభాస్ శ్రీముడిగా, కృతి సనన్ సీతగా.. సన్నీ సింగ్ లక్ష్మణుడిగా.. సైఫ్ అలీ ఖాన్ రావణాసురుడిగా న‌టించ‌డంతో ఈ సినిమా మొదటి మూడు రోజులు టాక్‌తో సంబంధం లేకుండా ఊచకోత కోసింది. తర్వాత మాత్రం క‌లెక్ష‌న్స్ డ్రాప్ అయ్యాయి. ఆదిపురుష్ చిత్రం ఇప్ప‌టికే బాక్సాఫీస్ ద‌గ్గ‌ర రూ. 400 కోట్లకు పైగా వసూళ్లను రాబట్టింది. ఇక ఆదిపురుష్ చిత్రంతో యంగ్ రెబ‌ల్ స్టార్ అరుదైన రికార్డ్ త‌న ఖాతాలో వేసుకున్నాడు.
ప్రభాస్ న‌టించిన బాహుబలి, బాహుబలి 2, సాహో చిత్రాల తర్వాత అమెరికాలో ఆదిపురుష్ చిత్రం కూడా 3 మిలియన్ డాలర్ల మార్కును దాటింది. ఈ నేప‌థ్యంలో తెలుగులో మరే ఇతర టాలీవుడ్ హీరోకి ద‌క్క‌ని రికార్డ్ ప్ర‌భాస్‌కి ద‌క్కింది. ప్రభాస్ తరువాత మ‌న టాలీవుడ్ హీరోలు రామ్ చరణ్ 2, జూనియర్ ఎన్టీఆర్, అల్లు అర్జున్, మహేష్ బాబులకి ఒక్కో మూడు మిలియన్ డాలర్ల సినిమా ఉంది. సినిమా ఎలా ఉన్నా కూడా ఆదిపురుష్ చిత్రంకి మంచి వ‌సూళ్లు వ‌స్తుండ‌డంతో అభిమానులు సంతోషం వ్య‌క్తం చేస్తున్నారు.
ఆదిపురుష్ సినిమాకి సంబంధించి మొదటి సారి టీజర్ విడుదల చేసినపుడే ఈ సినిమాలో ఏదో తేడా ఉందనే టాక్ వినిపించింది. ఇక సినిమా విడుదలయ్యకా.. అసలు రామాయణాన్ని మార్చి ఓం రౌత్.. వాల్మికీ రామాయణం తీసాడ‌ని అర్ధ‌మైంది. తనదైన పైత్యంతో రామాయణాన్ని పూర్తిగా వక్రీకరించి ఈ సినిమా తీయడంపై రామభక్తులతో పాటు కామన్ ఆడియన్స్ కూడా చిత్ర దర్శకుడి తీరుపై తీవ్ర ఆగ్ర‌హం వ్య‌క్తం చేస్తున్నారు. ఇక ఆదిపురుష్ చిత్రాన్ని ప్రపంచ వ్యాప్తంగా 7 వేలకు పైగా స్క్రీన్స్‌లో విడుదల చేశారు. హిందీ బెల్ట్ ఏరియాల్లో దాదాపు 3 వేలకు పైగా స్క్రీన్స్‌లో విడుదల కాగా,తొలి రోజు మల్టీప్లెక్స్ చైన్స్‌లో ఈ సినిమా మంచి వ‌సూళ్లు రాబట్టింది.
