Suma: స్టార్ హీరోయిన్స్‌ని మించి ఫ్యాన్ ఫాలోయింగ్ సంపాదించుకున్న యాంకర్ సుమ. ఎంత మంది కొత్త యాంక‌ర్స్ వ‌చ్చిన,అందాలు ఎంత ఆర‌బోసిన కూడా సుమ స్థానాన్ని ఎవ‌రు భర్తీ చేయ‌లేక‌పోతున్నారు. పుట్టింది కేరళలో అయినా తెలుగులో మాత్రం గల గల మాట్లాడుతూ ఎంతో మంది మ‌న‌సులు గెలుచుకుంది. టీవీ షో అయినా, ప్రీ రిలీజ్ ఫంక్షన్‌ అయినా అవలీల‌గా డీల్ చేయ‌డం సుమ సొంతం. కొన్నేళ్లుగా తన మాట‌ల‌తో కోట్లాది అభిమానులని సొంతం చేసుకున్న సుమకి సంబంధించిన వార్త అభిమానుల‌కి ఆందోళ‌న క‌లిగిస్తుంది.
ఇటీవ‌ల తిరుపతి వేదిక‌గా ప్ర‌భాస్ న‌టించిన ఆదిపురుష్ చిత్రం ప్రీ రిలీజ్ ఈవెంట్ జ‌రిగిన విష‌యం తెలిసిందే. ఇంత పెద్ద భారీ ఈవెంట‌లో సుమ క‌నిపించ‌క‌పోవ‌డం అంద‌రికి ఆశ్చ‌ర్యాన్ని క‌లిగించింది. సుమకి బదులుగా మ‌రో సీనియర్ యాంకర్ ఝాన్సీ రంగంలోకి దిగడంతో అంద‌రు ఆశ్చ‌ర్య‌పోయారు. దాదాపు ఇలాంటి పెద్ద ఈవెంట్స్‌కి సుమ‌నే హోస్ట్‌గా ఉంటుంది క‌దా, అలాంటిది ప్ర‌దీప్, ఝాన్సీలు ఎందుకొచ్చారా అని ప్ర‌తి ఒక్క‌రు ఆలోచించ‌డం మొద‌లు పెట్టారు.అంతేకాదు యాంకర్ సుమ ఇన్ స్టాగ్రామ్‌లో కూడా.. మీరు లేని లోటు ఈవెంట్‌లో స్ప‌ష్టంగా కనిపించిందంటూ మెసేజ్‌లు కూడా చేశారు.
దీంతో యాంకర్ సుమ కూడా.. ఆది పురుష్ ఈవెంట్ మిస్ అయినందుకు బాధ‌ప‌డుతున్నానంటూ ఓ వీడియో షేర్ చేసింది. అంతే కాక ప్రస్తుతం ఫారిన్‌ వెకేషన్‌లో ఉన్న తాను బాగా తిరగడం వల్ల తన కాలివేళ్లకు గాయాలు అయ్యాయని పేర్కొంది. షూస్‌ కొరికేయడంతో గాయాలు తీవ్రమై చాలా బాధ కలిగిస్తున్నాయని అందుకే ప్రస్తుతం చికిత్స తీసుకుంటున్నానని చెప్పుకొచ్చింది సుమ. దీంతో అంద‌రిలో ఉన్న అనుమానాల‌కి పులిస్టాప్ ప‌డింది. ప్రస్తుతం సుమ తన ఫ్యామిలీతో కలిసి ప్యారిస్‌, స్విట్జర్లాండ్‌ తదితర దేశాలను చుట్టేస్తూ స‌మ్మ‌ర్‌ని ఇలా గ‌డిపేస్తుంది. ఇక సోష‌ల్ మీడియాలో చాలా యాక్టివ్‌గా ఉంటూ తన ట్రిప్‌కు సంబంధించిన ఫొటోలు, వీడియోలను ఎప్పటికప్పుడు అప్‌లోడ్ చేస్తూ ఫ్యాన్స్‌ని ఎంట‌ర్‌టైన్ చేస్తుంది.
