అవుననే అనిపిస్తుంది ఈ ముగ్గురినీ గమనిస్తే. ఆ ముగ్గురు మరెవరో కాదు. జాన్ అబ్రహాం, హృతిక్ రోషన్, ఆమిర్ ఖాన్. ఈ ముగ్గురూ ఒక్కో ధూమ్ మూవీలో ఒక్కొక్కరు విలన్ గా కనిపించారు. అది ఒకే కానీ ఆ తర్వాత వింత పరిణామాలు చోటు చేసుకుంటున్నాయి. అవే.. వాళ్ళు ఆ పర్టీకులర్ సిరీస్ చేసిన తర్వాత వాళ్ళ రిలేషన్స్ కుదేలు అయిపోవడం. ఎలాగో చూద్దాం..
ముందుగా ధూమ్ మొదటి సినిమాలో జాన్ అబ్రహాం విలన్ గా నటించాడు. ఆ టైమ్ లో అతను బిపాసా బసు తో లవ్ లో ఉన్నాడు. కానీ, ఆ ప్రేమ ఈ మూవీ చేసిన కొంతకాలానికి పోయింది. వాళ్ళిద్దరూ విడిపోవడం పెద్ద సంచలనం అయింది. ఆ తర్వాత ధూమ్ 2 తీసుకుందాం. అందులో హృతిక్ రోషన్ విలన్ గా చేసాడు. ఈ మూవీ తర్వాత కూడా సరిగ్గా అదే జరిగింది. ఇతని భార్య అయిన సుసానే ఖాన్ తో హృతిక్ కి విడాకులు అయ్యాయి.
ఇప్పుడు ధూమ్ 3 విషయం గురించి ప్రత్యేకంగా చెప్పాల్సిన అవసరం లేదనుకుంటా. ఎందుకంటే ధూమ్ 3 లో ఆమిర్ ఖాన్ విలన్ గా నటించాడు. ఈ మధ్యే ఆమిర్ కిరణ్ రావ్ తో విడాకులు తీసుకోవడం ఒక అనుకోని సెంటిమెంట్ ని క్రియేట్ చేసింది. ఐతే ఒకవేళ ధూమ్ 4 సినిమా వస్తే అందులో విలన్ గా చేయబోయే వ్యక్తి చాలా జాగ్రత్తగా ఉండాలన్నమాట!
Leave a comment