చిత్ర పరిశ్రమలో కొన్ని సినిమాలు కొందరు హీరోలు చేస్తేనే హిట్ అవుతాయి. మరికొన్ని సినిమాలు ఏ హీరో చేసిన కంటెంట్ బాగుంటే హీరోలతో సంబంధం లేకుండా భారీ విజయాలు అందుకుంటాయి. అయితే కొన్ని సినిమాలకు మాత్రం స్టార్ హీరోల అవసరం ఉంటుంది. ఎందుకంటే ఆ సినిమా స్టోరీని వాళ్లు మాత్రమే చేయగలరు. అదే విధంగా ఆ సినిమాకు పెట్టిన బడ్జెట్ కలక్షనల రూపంలో రావాలంటే స్టార్ హీరోలు అయితేనే ఆ సినిమాకు సాధ్యమవుతుంది. కాబట్టి మంచి స్టోరీ దొరికితే భారీ బడ్జెట్ తో స్టార్ హీరోతో తీసి సక్సెస్ సాధించాలని ప్రతి ఒక్క దర్శకుడు, నిర్మాత కోరుకుంటారు.
అయితే గతంలో సీనియర్ దర్శకుడు కోడి రామకృష్ణ తీసిన అంజి సినిమా పరిస్థితి కూడా ఇలాంటిదే. అయితే ఈ సినిమాని ముందుగా వెంకటేష్ తో చేయాలని కోడి రామకృష్ణ భావించారు. దానికి వెంకటేష్ కూడా ఓకే అని సినిమా చేయడానికి రెడీ అయ్యారు. కానీ ఎవరు ఉహించ‌ని విధంగా ఈ స్టోరీని ప్రొడ్యూసర్ శ్యామ్ ప్రసాద్ రెడ్డి చిరంజీవితో చెప్ప‌డంతో ఆయనకి ఈ స్క్రిప్ట్ చాలా బాగా నచ్చటంతో నేను ఈ సినిమా చేస్తానని చిరంజీవి చెప్పారు.
ఇక దాంతో వెంకటేష్ కంటే చిరంజీవి మార్కెట్ చాలా పెద్దదని అప్ప‌టివరకు అనుకున్న వెంకటేష్‌ను ఆ సినిమా నుంచి తప్పించి ఆయన స్థానంలోకి చిరంజీవిని తీసుకొచ్చారు. అయితే ఈ సినిమా కన్నా ముందే వెంకటేష్, కోడి రామకృష్ణ కాంబోలో దేవీపుత్రుడు అనే సినిమా వ‌చ్చింది. అది ఆశించిన విజయాన్ని అందుకోకపోవడంతో మళ్లీ వెంకటేష్ తోనే సినిమా చేయాలని కోడి రామకృష్ణ ఫిక్స్ అయ్యాడు. కానీ కొన్ని అనుకోని కారణాల వల్ల ఆ ప్రాజెక్టులోకి చిరంజీవి వచ్చాడు.
ఇక చిరంజీవి హీరోగా అంజి సినిమా షూటింగ్ కంప్లీట్ చేసి రిలీజ్ చేసినప్పటికీ సినిమా మాత్రం ఆశించిన స్థాయిలో సక్సెస్ కాలేదు. ఎందుకంటే అప్పుడు ఉన్న ప్రేక్షకుల స్థాయిని బట్టి ఆ సినిమా వాళ్లకి అడ్వాన్స్డ్ గా అనిపించడంతో ఆ టైమ్ కి ఆ స్టోరీని వాళ్ళు జీర్ణించుకోలేకపోయారు. ఇక ఈ సినిమా లో గ్రాఫిక్స్ కూడా ఓవర్ గా ఉండడంతో ఈ సినిమా చూసిన ప్రేక్షకులు ఈ ఏదో మ్యాజిక్ లాగా ఫీలయ్యారు. దానివల్లే ఆ సినిమా పెద్దగా ఆడలేదు. ఇలా వెంకటేష్ హీరోగా రావాల్సిన అంజి సినిమా చిరంజీవి హీరోగా వచ్చి బాక్సాఫీస్ వద్ద ప్లాప్ సినిమాగా మిగిలిపోయింది.
