Home Film News లేడీ సూపర్ స్టార్ విజయశాంతి పుట్టినరోజు!
Film News

లేడీ సూపర్ స్టార్ విజయశాంతి పుట్టినరోజు!

VIjayashanti Birthday

లేడీ అమితాబ్ గా కూడా పేరున్న విజయశాంతికి నేటితో 55 ఏళ్లు. 1966 జూన్ 24 న పుట్టిన ఆమె సినీ ప్రపంచంలో ఒక వెలుగు వెలిగింది. దాదాపు 190 సినిమాల్లో నటించింది. ప్రధానంగా తెలుగులోనే అయినా తమిళ, కన్నడ సినిమాలోనూ విజయశాంతికి ప్రత్యేకమైన స్థానం ఉంది. నటిగా తనని తాను అన్ని విధాలుగా నిరూపించుకుంది. ముఖ్యంగా ఆక్షన్ సినిమాలకి విజయశాంతి పెట్టింది పేరు. ‘ది యాక్షన్ క్వీన్ ఆఫ్ ఇండియన్ సినిమా’ గా కూడా అభిమానుల చేత, మీడియా చేత పిలిపించుకుంది అంటే ఆమె ఎంత ప్రత్యేకత సంపాదించుకుందో అర్థం చేసుకోవచ్చు.

40 ఏళ్ల తన సినీ కెరీర్ లో ఎన్నో సత్కారాలు పొందారు విజయశాంతి. ఆమె ఖాతాలో పలు అవార్డ్ లు ఉన్నాయి. ‘కర్తవ్యం’ సినిమాలో పోలీస్ ఆఫీసర్ గా ఆవేశాన్ని, స్త్రీ తత్వాన్ని బ్యాలన్స్ చేస్తూ నటించినదుకు గాను ఆమెకి దేశంలోనే ఉత్తమ నటిగా అవార్డు లభించింది. 1985 లో వచ్చిన ప్రతిఘటన సినిమా ద్వారా కూడా తన నట విశ్వరూపం ఏమిటో చూపించింది. ఇంకా నేటి భారతం, అగ్ని పర్వతం, ఛాలెంజ్, రేపటి పౌరులు, పసివాడి ప్రాణం, మువ్వ గోపాలుడు, యముడికి మొగుడు, ముద్దుల మావయ్య, కొండవీటి దొంగ, ఇంద్రుడు చంద్రుడు వంటి అనేక హిట్ సినిమాల్లో నటించారు. ఆమెకి నంది, ఫిల్మ్ ఫేర్ అవార్డ్ లు కూడా వచ్చాయి. విజయశాంతి మంచి డాన్సర్ కూడా.

విజయ శాంతి తర్వాత రాజకీయాల్లో కూడా ప్రవేశించి.. నాయకురాలిగా తనని తాను నిరూపించుకునే ప్రయత్నం చేశారు. టిఆర్ఎస్ నుంచి ఎంపిగా గెలిచిన ఆమె.. తెలంగాణ ఉద్యమ సంధర్భంగా రాజీనామా చేసి, తెలంగాణ వచ్చిన తర్వాత kcr తో విభేధాల వల్ల పార్టీ నుండి వెళ్లిపోయారు. తర్వాత కాంగ్రెస్ నుంచి పోటీ చేసి mla గా కూడా గెలవలేకపోయారు. ఆ తర్వాత చాలాకాలం పాటు ఆక్టివ్ గా ఉండలేదు. తెలంగాణాలో కాంగ్రెస్ తన ప్రభావాన్ని కోల్పోవడంతో.. 90 చివర్లో బీజేపీ కోసం పనిచేసిన అనుభవం ఉన్న ఆమె.. ఇప్పుడు మళ్ళీ ఆ పార్టీలోకే వెళ్లిపోయారు. చివరిగా మహేశబాబు నటించిన ‘సరిలేరు నీకెవ్వరు..’ సినిమాలో ఒక ప్రధాన పాత్రలో విజయ శాంతి కనిపించిన విషయం మనకు తెలిసిందే.

Leave a comment

Leave a Reply

Your email address will not be published. Required fields are marked *

Related Articles

దివంగత శ్రీదేవికి.. ఎన్టీఆర్ దేవర సినిమాకు ఉన్న లింక్ ఏంటో తెలుసా..? కొరటాల స్కెచ్ మామూలుగా లేదుగా..!

టాలీవుడ్ స్టార్ డైరెక్టర్ కొరటాల శివ డైరెక్షన్లో ఎన్టీఆర్ నటిస్తున్న మూవీ దేవర.. పాన్ ఇండియా...

అది నాకు ఎప్పుడో తెలుసు.. నాగచైతన్య హీరోయిన్ సాయి పల్లవి గురించి సమంత హాట్‌ కామెంట్స్..!

ప్రస్తుతం ఇదే వార్త చిత్ర పరిశ్రమలో ఎంతో వైరల్ గా మారింది. ఇన్ని రోజులు ఎంతో...

బిగ్ బ్రేకింగ్: “షణ్ముఖ్” కేసులో బయటపడ్డ కొత్త కోణం.. అన్నిటికీ కారణం “యాంకరే” నా..?

షణ్ముఖ్ జస్వంత్ ఈ పేరు గురించి అందరికీ ప్రత్యేకంగా పరిచయం అవసరం లేదు. యూట్యూబ్లో వచ్చిన...

హీరో తేజ స‌జ్జ త‌ల్లిదండ్రులు ఎవ‌రు.. సినిమా ఇండ‌స్ట్రీలోకి ఎలా వ‌చ్చాడు.. !?

తేజ స‌జ్జ‌.. ప్ర‌స్తుతం ఈ యువ హీరో పేరు మారుమోగిపోతోంది. 2024లో సంక్రాంతి పండుగ కానుక‌గా...