Hyper Adi: గ‌త రాత్రి శిల్ప‌క‌ళావేదిక‌లో జ‌రిగిన ప్రీ రిలీజ్ ఈవెంట్‌లో హైప‌ర్ ఆది మెగా అభిమానుల‌కి గూస్ బంప్స్ వచ్చేలా మాట్లాడారు. సినిమాలు, రాజ‌కీయాలు, విమ‌ర్శ‌ల గురించి త‌న‌దైన శైలిలో మాట్లాడారు. ముఖ్యంగా పవన్ కళ్యాణ్ గురించి హైప‌ర్ ఆది మాట్లాడుతున్న స‌మ‌యంలో చిరు చాలా ఎమోష‌న‌ల్ అయ్యారు. ఆయన క‌ళ్లు చెమ‌ర్చాయి.తమ్ముడి గురించి మాట్లాడుతున్నంత సేపు చిరు కంట్లో తడి కనిపించింది. ఆది మాట్లాడుతూ.. చిరంజీవి ముప్పై ఏళ్లుగా చిత్ర ప‌రిశ్ర‌మ‌ని ఏలుతున్నాడు. ఎంతో మంది సినీ సైనికులను తయారు చేసి ఇంద్ర సేనాని అయితే.. అక్కడ తమ్ముడేమో జన సైనికుల్ని తయారు చేసి జన సేనాని అయ్యాడు అని ఆస‌క్తిక‌ర కామెంట్స్ చేశారు.
ఠాగూర్ సినిమాలో చిరంజీవికి నచ్చని పదం క్షమించడం.. కానీ ఆయన త‌న నిజ జీవితంలో అందరినీ క్షమిస్తూనే ఉంటాడు.. కొంత మంది యూట్యూబ్ చానెళ్లు హీరో సుమన్, ఉదయ్ కిరణ్ విషయాల మీద తప్పుడు వార్తలు రాసిన వారిని కూడా చిరంజీవి క్ష‌మించారు. ఓ పెగ్ వేస్తే మెగాస్టార్ గురించి.. ఇంకో పెగ్ వేస్తే పవన్ కళ్యాణ్ గురించి కొందరు మాట్లాడతారు.. చిరంజీవి గారి వారసుడు రామ్ చరణ్ పై కూడా అనేక విమ‌ర్శ‌లు చేశారు. ఆయన రంగ‌స్థ‌లంతో అంద‌రి నోళ్లూ మూయించారు. సచిన్ కొడుకు సచిన్ కాలేదు.. అమితాబ్ బచ్చన్ కొడుకు అమితాబ్ కాలేదు.. కానీ చిరంజీవి కొడుకు చిరంజీవి అయ్యాడు. గ్లోబల్ స్టార్ అని పెట్టుకుంటే రాదు.. అందరినీ నెట్టుకుంటూ దాటుకుంటూ నిలబడితే వస్తుంది..
ఇటీవ‌ల ఒక సారి రాజకీయాల గురించి చిరంజీవి గారి అడిగాను.. రాజకీయ వార్తలు చూడటం మానేశాను అని అన్నారు.. నా తమ్ముడిని ఎవడు పడితే వాడు తిడుతున్నాడు.. అందుకే వార్తలు చూడటం లేదు.. అని చెప్పుకొచ్చారు. ఆయన్ను అవమానించిన వాడ్ని ఆయన వదిలేస్తాడేమో గానీ.. తమ్ముడు మాత్రం అందరికీ తిరిగి ఇస్తాడు.. అన్నయ్య మంచోడు కాబట్టే అందరు ముంచేశారు.. కానీ తమ్ముడు మొండోడు.. తాడో పేడో తేల్చుకుంటాడు.. డబ్బుల మీద వ్యామోహం లేని వాళ్లు.. ఇలాంటి వాళ్ల గురించి ఎవరైనా తప్పుడు వార్తలు రాస్తే.. కుర్చీ మడతపెట్టి…. ఇలాంటివి కింది స్థాయి వాళ్లకి అర్థం కాదు.. మినిమం డిగ్రీ చదివి ఉండాలి అంటూ ఆస‌క్తిక‌ర వ్యాఖ్య‌లు చేశారు ఆది.
