Heroines: ప్ర‌స్తుతం సినీ ప‌రిశ్ర‌మ‌లో హీరోయిన్స్ ప‌రిస్థితి దారుణంగా మారింది. ఎంత అందం ఉన్నా కూడా వారికి అవకాశాలు అనేవే రావ‌డం లేదు. ఒక‌ప్పుడు హీరోయిన్స్ ఎన్నో ఏళ్ల పాటు స‌త్తా చాటేవారు. కాని ఇప్పుడలా కాదు. స్టార్ డం ద‌క్కించుకున్న వారు కూడా మూడేళ్ల‌లో క‌నుమ‌రుగ‌వుతున్నారు. ఇక కొందరు భామ‌ల‌కి అయితే అందం ఉన్నా కూడా అదృష్టం లేక అవకాశాలు ద‌క్కించుకోలేక‌పోతున్నారు. శ్రీలీల రాకతో పూజాహెగ్డే, రష్మిక, కృతిషెట్టి లాంటి హీరోయిన్లకి గండిప‌డింది. ఎంతో అందం ఉన్న రాశీ ఖ‌న్నాకి పెద్ద‌గా అవ‌కాశాలే రావ‌డం లేదు. ఇక ఇస్మార్ట్ బ్యూటీస్ నభా నటేష్, నిధి అగర్వాల్ ప‌రిస్థితి మరీ ఘోరం. ఇస్మార్ట్ శంకర్ తర్వాత సక్సెస్ అందుకోలేకపోయిన నిధి.. హరిహర వీరమల్లు సినిమాపై గంపెడాశలు పెట్టుకుంది
నభా నటేష్‌కి ఇటీవ‌ల ఆఫ‌ర్స్ లేని కార‌ణంగా సోష‌ల్ మీడియాలో రెచ్చిపోతుంది. నివేత పెతురాజ్, మెహ్రీన్ ల‌ని అయితే దాదాపు మ‌రిచిపోయే ప‌రిస్థితి. మెహ్రీన్ ఒక‌ప్పుడు బొద్దుగా ఉండ‌గా, అవ‌కాశాల కోసం స్లిమ్ గా మారింది. తను మరింత గ్లామరస్ గా మారానని చూపించుకుంటున్నా కూడా అవకాశాలు ద‌క్కించుకోలేక‌పోతుంది మెహ్రీన్. అను ఎమ్మాన్యుయేల్, మేఘా ఆకాష్ ల కెరీర్ మరింత దారుణంగా ఉంది. ఊర్వశివో రాక్షసివో సినిమాతో హిట్ కొట్టిన అను, ఆ వెంటనే రావణాసుర సినిమాతో ఫ్లాప్ చవి చూసింది. మేఘా ఆకాష్ కు కూడా రావణాసుర సినిమా దెబ్బేయ‌డంతో ప‌ట్టించునేవారే లేరు.
లావణ్య త్రిపాఠి, రీతూ వర్మల‌కి అందం ఉన్నా కూడా అవకాశాలు క‌రువ‌య్యాయి. లావణ్య త్రిపాఠి చిన్నా చిత‌కా సినిమాలు చేస్తుండ‌గా, త్వ‌ర‌లో వ‌రుణ్ తేజ్‌ని వివాహం చేసుకోబోతుంది. పెళ్లి తర్వాత అమ్మ‌డి కెరియ‌ర్ ఎలా ఉంటుందో మ‌రి. ఇక రీతూ వ‌ర్మ విష‌యానికి వ‌స్తే ‘ఒకే ఒక జీవితం’ అనే సినిమాతో మంచి హిట్ కొట్టింది. కానీ ఆ తర్వాత తెలుగు సినిమాల కంటే, తమిళ సినిమాలకే ఎక్కువ ప్రాధాన్యం ఇస్తూ టాలీవుడ్ కు కాస్త దూరమైన‌ట్టు క‌నిపిస్తుంది. ఇలా ఎంతో అందం ఉన్నా కూడా ఈ భామ‌లు అవకాశాలు ద‌క్కించుకోక‌పోవ‌డం వారి అభిమానుల‌ని ఆందోళ‌న‌కి గురి చేస్తుంది.
