Prabhas Fan: బాహుబలి సినిమాతో ప్ర‌పంచ వ్యాప్తంగా అశేష ప్రేక్ష‌కాద‌ర‌ణ ద‌క్కించుకున్నారు యంగ్ రెబ‌ల్ స్టార్ ప్రభాస్. బాహుబలి సిరీస్ నుండి ప్రభాస్ అన్ని కూడా పాన్ ఇండియా రేంజ్ చిత్రాలు చేస్తున్నాడు. అయితే ఈ చిత్రాలు ప్ర‌భాస్‌కి తీవ్ర నిరాశ‌ని క‌లిగిస్తున్నాయి. ప్రభాస్ న‌టించిన సాహో, రాధే శ్యామ్ చిత్రాలు బాక్సాఫీస్ ద‌గ్గ‌ర బోల్తా ప‌డ్డాయి. ఇక రీసెంట్‌గా వ‌చ్చిన ఆదిపురుష్ చిత్రం పెద్ద‌గా ఆక‌ట్టుకోలేక‌పోయింది. ఈ సినిమాపై కొందరు నెగెటివ్ కామెంట్స్ చేస్తే మ‌రి కొందరు బాగుందంటూ ప్ర‌శంసిస్తున్నారు. అయితే అభిమానులు మాత్రం ప్రభాస్ సినిమా అదిరిపోయిందంటూ కామెంట్స్ చేస్తున్నారు. సినిమా గురించి నెగిటివ్ కామెంట్స్ చేసే వారిపై చేయి కూడా చేసుకుంటున్నారు.
ఇక ప్రభాస్ కి మ‌న ఇండియాలోనే కాదు జ‌పాన్‌లోను అశేష‌మైన ఫ్యాన్ ఫాలోయింగ్ ఉంది. ఆయ‌న న‌టించిన బాహుబలి, సాహో సినిమాలు జపాన్ లో భారీ విజయం సాధించాయి.బాహుబ‌లితో ప్ర‌భాస్‌కి వ‌చ్చిన క్రేజ్‌తో అక్కడ కొన్ని వస్తువులు ప్రభాస్ పేరుమీద బాగా అమ్మ‌డుపోతూ ఉంటాయి. ప్రభాస్ సినిమాల కోసం వారు ఎంతో ఆస‌క్తిగా ఎదురు చూస్తూ ఉంటారు. ప్రభాస్ సినిమా రిలీజ్ అయితే చాలు ఎక్క‌డికైన వెళ్లి సినిమా చూడాల్సిందే అంటారు అక్కడ అభిమానులు. తాజాగా జపాన్ కు చెందిన ప్రభాస్ మహిళా అభిమాని తమ గ్రామం లో థియేటర్స్ లేకపోతే 5500 కిలోమీటర్లు ప్రయాణం చేసి ‘ఆదిపురుష్’ చిత్రాన్ని వీక్షించింద‌ట.
నోరికో అనే జపాన్ మహిళా ప్రభాస్ కు వీరాభిమాని కాగా, వారి దేశంలో ఆదిపురుష్ చిత్రం రిలీజ్ కాలేదు కాబ‌ట్టి మూవీని ఎలా అయిన చూడాల‌ని భారీ ఖ‌ర్చు చేసి టోక్యో నుండి సింగ‌పూర్ వ‌ర‌కు ప్ర‌యాణించింద‌ట. ఈ విష‌యం తెలుసుకున్న అక్కడి ఇండియన్స్ ఆమెతో మాట్లాడించి ఓ వీడియోని తీయ‌గా, ప్ర‌స్తుతం ఆ వీడియో సోషల్ మీడియాలో తెగ వైరల్ గా మారింది. అయితే వీడియోలో ఆ మ‌హిళ తెలుగులో మాట్లాడ‌డం విశేషం. ఇక ఆదిపురుష్ విష‌యానికి వ‌స్తే చిత్రానికి సంబంధించిన క‌లెక్ష‌న్స్ క్ర‌మ‌క్ర‌మంగా త‌గ్గుతూ వ‌స్తున్నాయి. బ్రేక్ ఈవెన్ అయిన సాధిస్తుందా లేదా అని కొందరు తెగ చ‌ర్చించుకుంటున్నారు.
